Os ácidos graxos de cadea curta (AGCC ou, polas súas siglas en inglés, SCFA) son ácidos graxos de 2 a 6 átomos de carbono. Non obstante, o límite inferior de tamaño para estes ácidos varía segundo as fontes. Derivan da fermentación microbiana intestinal da comida indixerible, e no caso do intestino humano estes ácidos son os ácidos acético, propiónico e butírico. O butirato é a principal fonte de enerxía dos colonocitos, o que fai que sexa fundamental para a saúde gastrointestinal. Todos os ácidos graxos de cadea curta posúen varios graos de hidrosolubilidade, o cal os distingue dos ácidos graxos de cadea longa, os cales son inmiscibles.
Lista de ácidos graxos de cadea curta Número lipídico Nome Nome do sal/éster Fórmula Masa(g/mol) Diagrama Común Sisemático Común Sistemático Molecular Estrutural C2:0 Ácido acético Ácido etanoico Acetato Etanoato 60,05 30px|right C3:0 Ácido propiónico Ácido propanoico Propionato Propanoato 74,08 37px|right C4:0 Ácido butírico Ácido butanoico Butirato Butanoato 88,11 44px|right C4:0 Ácido isobutírico Ácido 2-metilpropanoico Isobutirato 2-Metilpropanoato 88,11 44px|right C5:0 Ácido valérico Ácido pentanoico Valerato Pentanoato 102,13 51px|right C5:0 Ácido isovalérico Ácido 3-metilbutanoico Isovalerato 3-Metilbutanoato 102,13 51px|right C5:0 Ácido 2-metilbutírico Ácido 2-metilbutanoico 2-Metilbutanoato 2-Metilbutanoato 102,13 51px|right
Funcións
Os ácidos graxos de cadea curta prodúcense cando se fermenta a fibra alimentaria no colon pola acción bacteriana. O acetato, propionato e butirato son os ácidos graxos de cadea curta máis comúns. Os ácidos graxos de cadea curta e de cadea media son principalmente absorbidos a través da vea porta durante a dixestión dos lípidos, mentres que os ácidos graxos de cadea longa son empaquetados en quilomicróns, entran nos capilares linfáticos, e despois transfírense ao sangue na vea subclavia.
Os ácidos graxos de cadea curta teñen diveros papeis fisiolóxicos en funcións corporais, afectando a produción de lípidos, enerxía e vitaminas. O ácido butírico favorece a saúde do intestino groso como fonte de enerxía primaria para os colonocitos, as células epiteliais do colon. O fígado pode usar o acetato para obter enerxía.
Notas
Véxase tamén Outros artios Ácido graxo de cadea media (AGCM ou MCFA), con colas alifáticas de 6 a 12 carbonos Ácido graxo de cadea longa (AGCL ou LCFA), con colas alifáticas de 13 a 21 carbonos Ácido graxo de cadea moi longa (AGCML ou VLCFA), con colas alifáticas de 22 ou máis carbonos
Bibliografía Revisión das propiedades biolóxicas dos ácidos graxos de cadea curta do Instituto Danone a través de archive.org
Categoría:Ácidos graxos