Jaume Albert Cuéllar Mendoza, nado en Granollers o 23 de agosto de 2001, é un futbolista catalán e boliviano que xoga na posición de extremo ou dianteiro. O seu equipo actual é o Club Deportivo Arenteiro da Primeira Federación, cedido polo Club Deportivo Lugo. É internacional coa selección de fútbol de Bolivia.
Traxectoria en clubs Primeiros anos Cuéllar comezou a súa carreira deportiva no equipo infantil do FC Racing Blanenc. En xuño de 2015 ingresou en La Masia e xogou nas categorías inferiores do Fútbol Club Barcelona, primeiro no Cadete B e posteriormente no Cadete A.
SPAL En 2017 pasou a formar parte do equipo xuvenil do SPAL. O debut de Cuéllar co primeiro equipo tivo lugar o 4 de decembro de 2019, cando foi substituto de Sergio Floccari nun encontro da Copa Italia perante o Lecce. O 22 de xullo dese ano estreouse na Serie A como substituto de Espeto nun partido do SPAL contra a Roma. Cuéllar anunciou a súa marcha do club italiano o 3 de agosto de 2021.
Lugo O 4 de agosto de 2021 fíxose oficial a fichaxe de Cuéllar polo Club Deportivo Lugo da Segunda División cun acordo inicial por dous anos.
Cesión ao Barcelona O 23 de agosto de 2023 anunciouse o regreso de Cuéllar ao FC Barcelona cun contrato de cesión por un ano no Barcelona Atlètic. Deste xeito, Jaume Cuéllar converteuse no primeiro futbolista boliviano en formar parte dalgún dos equipos sénior do Barcelona.
Cesión ao Arenteiro O 3 de febreiro de 2025 foi cedido ao Club Deportivo Arenteiro da Primeira Federación. O 18 de xullo de 2025 asinou un novo préstamo por outra tempada no club galego.
Traxectoria internacional Nado en Granollers de pais bolivianos, Cuéllar escolleu representar Bolivia a nivel internacional. Foi convocado pola selección sub-17 para disputar o Campionato Suramericano de Fútbol Sub-17 de 2017. O 4 de outubro de 2020 recibiu a súa primeira convocatoria oficial da selección absoluta. O 10 de xuño de 2021 foi incluído na lista de César Farías para xogar a Copa América 2021. Cuéllar debutou nun partido contra Paraguai neste torneo; con todo, foi expulsado no primeiro tempo.
Notas
Véxase tamén Ligazóns externas Jaume Cuéllar en LaPreferente.com
Categoría:Nados en 2001 Categoría:Nados en Granollers Categoría:Futbolistas de Cataluña Categoría:Futbolistas de Bolivia Categoría:Xogadores do SPAL Categoría:Xogadores do CD Lugo Categoría:Xogadores do FC Barcelona B Categoría:Xogadores do CD Arenteiro Categoría:Xogadores da selección de fútbol de Bolivia