Dianthus giganteus, џиновски каранфил, — вид каранфил кој природно се среќава во Романија, Македонија, Балканскиот полуостров и можеби соседните области. Како повеќегодишно растение со цветни глави што достигнуваат височина од 1 метар, тој е корисен во градинарството и уредувањето на простори каде што е потребна позадина од повисоки растенија. Се смета за корисно растение за привлекување опрашувачи.

Опис и распространетост

Во основата растението е силно разгрането. Базалните листови се широки 3–4 мм, а стеблените 3–7 мм, линејни, плоскати и голи, на врвот постепено преминуваат во долг, кончест шилест врв; листниот ракавец е 3–4 пати подолг од ширината. Цветовите најчесто се собрани во густи главичести соцветија, понекогаш обвиени со најгорниот пар листови; прицветниците се кожести, белузлави или кафеави, елиптични, со долг осил што го надминува проширениот дел и стигнува до врвот на чашката. Четирите чашкини лушпи најчесто достигнуваат до половината на чашката, кожести, јајцевидно-елиптични, на врвот заострени или постепено преминуваат во осил долг 3–6 мм. Чашката е долга 15–23 мм и широка 3–4 мм, розова или пурпурна; запците се долги 5–6 мм, во основата широки 1,5 мм, тесно триаголни, на врвот постепено зашилени, со ципест и влакнест раб. Ламината на венчето е долга 5–8 мм, со ретки влакна во основата, ситно назабена по работ, пурпурна.

Се среќава на тревести места, покрај грмушки во субалпскиот појас, претежно врз силикатна подлога и андезит.

Подвидови Предложени се одреден број претпоставени подвидови:

Dianthus giganteus subsp. banaticus (Heuff.) Tutin Dianthus giganteus subsp. croaticus (Borbás) Tutin Dianthus giganteus subsp. giganteus d'Urv. — Лушпите на чашката се кратко заострени на врвот и кафеави.Чашката е долга 17–20 мм. Познат само за околината на Пехчево и планината Ниџе. Dianthus giganteus subsp. haynaldianus (Borbás) Tutin. — Лушпите на чашката на врвот преминуваат во осил долг до 6 мм. Чашката најчесто е подолга од 20 мм. Таксон со ограничено распространување. Познат за планините: Серта, Кожуф, Ниџе и Дудица, Прилеп, Кавадарци, Струмица, Гевгелија и Велес. Dianthus giganteus subsp. italicus Tutin Dianthus giganteus subsp. subgiganteus (Borbás ex Formánek) Hayek Dianthus giganteus subsp. vandasii (Velen.) Stoj. & Acht.

Галерија

Наводи

Категорија:Каранфил Категорија:Флора на Македонија Категорија:Растенија опишани во 1822 година