Здебелена незаборавка () — вид цветно растение од семејството Boraginaceae именувана од Џовани Гусоне. Guss. (1843) , In: Fl. Sicul. Syn. 1: 214 Hassler M. (2019). World Plants: Synonymic Checklists of the Vascular Plants of the World (version Nov 2018). In: Species 2000 & ITIS Catalogue of Life, 2019 Annual Checklist (Roskov Y., Ower G., Orrell T., Nicolson D., Bailly N., Kirk P.M., Bourgoin T., DeWalt R.E., Decock W., Nieukerken E. van, Zarucchi J., Penev L., eds.). Digital resource at www.catalogueoflife.org/annual-checklist/2019. Species 2000: Naturalis, Leiden, the Netherlands. ISSN 2405-884X.
Опис Здебелената незаборавка е едногодишно растение, високо од 3 до 10 цм. Стебленцето ѝ e вертикално или подигнато, неразгрането или од основата разгрането, во долниот дел со полустрчести или стрчести влакна, во горниот дел со прилегнати, нагоре свртени влакна. Базалните листови собрани во розета, за време на цветањето речиси исушени, елиптични, копјести до јајцевидно лопатовидни, со куса дршка, долги 10 до 15 мм, широки 3 до 5 мм, со стрчести влакна. Стеблените листови се помали, елиптично-копјести, во основата стеснети, долги 5 до 10 мм, широки 2 до 3 мм, со слична влакнавост како и базалните листови. Цветовите во голем број, собрани во растресити срповидни соцветија, кои при образување на плодот се издолжуваат, без прицветни листови. Цветните дршки се задебелени, косо поставени во однос на оската на соцветието. Чашката е долга 1,5 до 2 мм, при образување на плодот се издолжува до 4 мм, речиси до 2/3 всечена на 5 издолжени, копјесто-триаголни запци, препокриена со еднакви, прави и прилегнати четинести влакна. Венчето е мало, сино, ретко белузлаво, со пречник од околу 3 мм. Венечната трубичка е покуса од чашката. Оревчињата се јајцевидни, долги околу 1,2 мм, кафеави, без јасно развиен раб.
Живеалиште По брдски пасишта, на силикатна и варовничка подлога, на варовнички камењари и карпи, по рабови на шуми, на песокливи и еродирани места, помеѓу грмушки, на надморска височина од 80 до 1700 м.
Распространетост Јужна Европа, Турција.
Македонија Водно, с. Долно и Горно Нерези, с. Св. Петка, клисурата на реката Пчиња – Катлановска Бања, с. Кожле, Караџица; Жеденска Клисура – с. Дворце, Коловозиште, с. Рашче, с. Радуша; Сува Гора – с. Стримница; Таорска Клисура; Велес – Св. Илија, Голик, „Гроот“, с. Чашка, клисурата на р. Бабуна; Штип – Исар, Кумлак; Неготино – Криволак; Кавадарци – с. Ресава; Серта – Кула, с. Пештерница, Габерот; Валандово – манастирот „Св. Ѓорѓија“; Гевгелија – с. Милетково, с. Миравци, с. Давидово; Кожуф – Маријанска Планина, Дошница; Богданци – Чурчулум; Дојран – Ачикот, с. Николич, Мрдаја, (†) с. Асанли; Беласица; Огражден – с. Сушица; Мариово: с. Бешиште, Пантелејмон, с. Груниште, с. Манастир, Рамниште, с. Дуње – Валот, Расимбегов Мост; Прилеп: Козјак – с. Тројаци, с. Дебреште; Добра Вода – с. Белези; Галичица – Петрино; Пелистер – с. Нижеполе, Црн Камен.
Наводи
Надворешни врски
Категорија:Флора на Турција Категорија:Флора на Европа Категорија:Незаборавка Категорија:Флора на Македонија