Canpo San Sebastian el ze un canpo de Venesia, situà inte'l sestier de Dorsoduro.
Descrision El canpo, de forma iregołar, el deve el só nome a l'inportante cieza renasimentałe de San Sebastian, che ła se łeva insenbre a'l só canpaniłe, ocupandone el łado pì łongo.
Insenbre a ła cieza, a l'estremo est de'l canpo se cata łe altre do architeture de mazor rimarco: Ponte San Sebastian: el unise el canpo a ła fondamenta de san Bazegio che ła cołega l'area de'l ponte de'l Socorso e de Ca' Zenobio dei Armeni co łe Zàtare. Ex Convento de San Sebastian : l'edifisio otosentesco, ancùo sede de ła facoltà de łétare e fiłozofia de l'Università Ca' Foscari, el ga l'ingreso so'l canpo: el portałe el ze de partegołar rimarco, siando un projeto novesentesco de Carlo Scarpa, che ghe ga renserìo l'antiga statua cuatrosentesca de san Sebastian.
Suito tacà, a nord-ovest, ze el canpaso San Sebastian interesà da na ediłisia abitativa de minor interese architetònego, comunegante co'l canpo de l'Anzolo Rafael.
Bibliografia Guida d'Italia – Venezia. 3ª ed. Milano, Touring Editore, 2007. ISBN 978-88-365-4347-2.
Voze corełade Céxa de San Sebastian (Venesia)
Altri projeti
Categoria:Canpi de Venesia