Ła Bistefani S.p.A., ancùo Bistefani Gruppo Dolciario S.p.A. ła xe una de łe pì inportanti industrie ałimentari del ramo dolsiario itałiane, fondada inte el 1955 a Casale Monferrato da Luigi Viale. Dal 2013 fa parte del gruppo Bauli.
Storia Ła Bistefani ła xe nasesta grasie a Luigi Viale a Casale Monferrato in Provincia de Alessandria inte el 1955 col nome de Biscottificio Santo Stefano, drìoman contrato in Bistefano e poco dopo in Bistefani. Ła ga tacà produxer i krumiri, po' pastefrołe, baxi de dama, canestrełi, "ofełe".
Inte el 2002 ła Bistefani ga acuixìo ła Nuova Forneria S.p.A., socetà nasesta inte el 1990 da ła parsiałe privatixasion del setor dolsiario del grupo SME a cui xera stae conferìe łe atività del setor dei prodoti da forno a consumo continuativo (o sia łe vècei "Merendine Motta") e del cui capitałe faxeva parte el Grupo Barilla e Ferrero par el 49% de łe cuote.
Ła socetà xera stà rivendùa drìoman inte el 1995 a ła socetà "Parfin Holding", faxente cao a l'inprenditore Armando Cecchetti, xa propietàrio dei supermercai SIDIS.
Inte el 2006 łe do socetà se ga fondesto formando el Gruppo Buondì Bistefani S.p.A., ancùo Bistefani Gruppo Dolciario S.p.A.
El 9 de febraro 2013 vien anuncià l'acuixision de l'axienda da parte del grppo Bauli.
El 14 de marso 2016 vien anuncià, da l'A.D. de Bauli, ła seràda del stabiłimento Bistefani de Casale Monferrato e el trasferimento de łe łinee produtive a Verona.
Canpagne publicitarie famoxe Xe restae partegołarmente famoxe łe canpagne publicitarie de nadałe che inte i ani 80 e 90 vedeva co protagonisti un rùstego propietario d'axienda che redarguiva el so cao pastisier par far dolsi masa boni e xenuini respeot al preso de vendita. I interpreti del spot xera Renzo Rinaldi inte el ròło del ràstego propietario de axienda (el "signor Bistefani") e Stefano Gragnani inte el ròło del pastisier un fià storno. I spot terminava col "signor Bistefani" che, inviperìo, pronunsiava ła fraxe "E chi sono io, Babbo Natale?" dopodiché conpariva dal gnente sol so volto na barba bianca e un boneto roso.
Marche Buondì Girella Yo-Yo Ciocorì
Notasion
Linganbi foresti
Categoria:Aziende alimentari