Your Mother Should Know

«Your Mother Should Know» er ein song av The Beatles frå albumet deira Magical Mystery Tour frå 1967. Songen er skriven av Paul McCartney, men tilskriven på vanleg vis Lennon/McCartney.

«Your Mother Should Know» er ein nostalgisk, «feel-good» song frå McCartney, i same sjanger som «When I'm Sixty-Four», men med mindre innhald. Komposisjonen er i røynda berre eit refreng som vert repetert tre gonger:

Let's all get up og dance to a song That was a hit before your mother was born. Though she was born a long, long time ago Your mother should know (Your mother should...) Your mother should know (...know.) Sing it again.

Tittelen og refrenget er inspirert frå filmen A Taste of Honey der ein av replikkane er «Your mother should know».

Songen vart spelt inn i to omgangar, første gong 22. og 23. august og så 29. september 1967 og songen er derfor ein miks av mono og stereo, elles ikkje uvanleg for songar spelt inn på 1960-talet.

I filmen Magical Mystery Tour vart «Your Mother Should Know» framført sist medan The Beatles kjem dansande ned i kvitt til ein ballsal og i følgje med damer. Denne songen var for øvrig den siste innspelinga som manageren Brian Epstein fekk oppleve. Han døydde fire dagar seinare, den 23. august 1967.

Medverkande Paul McCartney – solo- og korvokal, bassgitar, piano John Lennon – korvokal, Hammondorgel, cymbalar George Harrison – korvokal, gitar Ringo Starr – trommer, tamburin George Martin – plateprodusent Personell per Ian MacDonald

Kjelder

Denne artikkelen bygger på «Your Mother Should Know» frå , den 8. februar 2009. oppgav desse kjeldene: Bård Ose, Beatles hele livet, Bergen 1999

Bakgrunnsstoff Songteksten Alan W. Pollacks notat om songen

Kategori:Songar frå 1967 Kategori:The Beatles-songar Kategori:Songar produserte av George Martin Kategori:Songar skrivne av Lennon–McCartney