«All You Need is Love» er ein song skriven av John Lennon og tilskriven Lennon/McCartney. Han vart først spelt inn av The Beatles på Our World, den første direkte globale fjernsynssendinga. Sendinga gjekk til 26 land og vart sett av 400 millionar menneske. Programmet vart sendt via satellitt den 25. juni 1967. BBC hadde bede the Beatles om å skrive ein song som Storbritannia sitt bidrag til hendinga. Musikkmagasinet Rolling Stone rangerte songen på 370. plass på lista deira over dei 500 største songane gjennom tidene.
Utgjeving Beatles vart bede om å lage ein song som inneheldt ei enkel melding som alle nasjonalitetar kunne forstå, og Lennon sin «All You Need is Love» tok meldinga han først prøvde å kome med i songen «The Word» på Rubber Soul i 1965 eit steg vidare.
The Beatles valde songen som den neste singelen sin og han kom ut dagen før Our World-sendinga. I Storbritannia kom han ut 7. juli og gjekk direkte til topps på salslista, der han låg i tre veker. I USA skjedde det same. Her vart songen òg gjeve ut på LP-utgåva av albumet Magical Mystery Tour i november.
Songen var den siste som vart innspelt og gjeve ut før manageren Brian Epstein døydde 27. august 1967.
TV-sendinga Under sendinga sat the Beatles (bortsett frå Ringo) på krakkar, i lag med eit lite studioorkester. Rundt dei sat vener og kjende på golvet og song med på refrenget, mellom anna Mick Jagger og Kim McLagan.
Struktur På grunn av den verdsomspennande sendinga skulle songen få ei internasjonal kjensle. Han opna med den franske nasjonalsongen «La Marseillaise» og inneheld delar av andre stykke under den lange avsluttinga, mellom anna eit stykke av Johann Sebastian Bach, «Greensleeves», «In the Mood» av Glenn Miller, ein av dei største hittane til the Beatles, «She Loves You», og «Prince of Denmark's March» av Jeremiah Clarke.
Songstrukturen er innvikla. Hovuddelen av songen (verset) er i ein uvanleg 7/4 takt med to takter 7/4, ein 8/4 takt, så tilbake til 7/4 medan korvokalen i introduksjonen repeterer «Love, love, love» over teksten til Lennon:
I motsetning er refrenget enkelt: «All you need is love» i 4/4 takt, bortsett frå at kvart refreng berre har sju takter, i motsetnad til dei vanlege åtte, og den sjuande er i 6/4, takt, før ein går tilbake til versa i 7/4.
«All You Need Is Love» er i lag med Pink Floyd sin «Money» frå 1973 den einaste songen i 7/4-takt som har gått inn på Topp 20 på i USA.
Medverkande I følgje Ian MacDonald:
The Beatles John Lennon – solo- og korvokal, cembalo, banjo Paul McCartney – bass, kontrabass, korvokal George Harrison – sologitar, fiolin, korvokal Ringo Starr – trommer
Andre musikarar George Martin – piano, orkesterarrangement, produksjon Mike Vickers – dirigent Sidney Sax, Patrick Halling, Eric Bowie, Jack Holmes – fiolinar Rex Morris, Don Honeywill – tenorsaksofon David Mason – trompet Stanley Woods – trompet, flygelhorn Evan Watkins, Harry Spain – trombonar Jack Emblow – trekkspel Mick Jagger, Keith Richards, Eric Clapton, Marianne Faithfull, Jane Asher, Pattie Boyd, Mike McGear, Keith Moon, Graham Nash, Hunter Davies, Gary Leeds og andre – korvokal
Salslister og salstrofé
Vekeslister Liste (1967)PlasseringAustralia (Kent Music Report)1Kanadiske RPM 1001Irish Singles Chart Only results when searching «All you need is love»1Italienske (FIMI)56. All you need is love – The Beatles [#10]10Svenske Kvällstoppen1UK (Official Charts Company)1US Billboard Hot 1001US Cash Box Top 1001
Liste (1987) (nyutgjeving)PlasseringIrish Singles Chart19UK (Official Charts Company)47
Årslister Liste (1967)PlasseringCanada3US Billboard30US Cash Box43
Salstrofé
Andre utgåver Mange artistar har spelt inn sine versjonar av songen, anten på plate eller på konsertar. Av desse finn ein mellom anna Bob Thiele & His New Happy Times Orchestra, New Musik, James Last, Nada Surf, Elvis Costello, Echo & the Bunnymen, Noel Gallagher og Cheap Trick.
Kjelder
Denne artikkelen bygger på «All You Need Is Love» frå , den 8. februar 2009. oppgav desse kjeldene: Turner, Steve. A Hard Day's Write: The Stories Behind Every Beatles' Song, Harper, New York: 1994, ISBN 0-06-095065-X
MacDonald, Ian. Revolution in the Head: The Beatles' Records og the Sixties, Great Britain: 1994, ISBN 0-8050-2780-7
Bakgrunnsstoff
Kategori:The Beatles-songar Kategori:Songar frå 1967 Kategori:Singlar frå 1967 Kategori:Songar på toppen av Billboard-lista Kategori:Nummer-ein-singlar i Storbritannia Kategori:Nummer-ein-singlar i Tyskland Kategori:Nummer-ein-singlar i Irland Kategori:Songar på toppen av VG-lista Kategori:Nummer-ein-singlar i Australia Kategori:Nummer-ein-singlar i Austerrike Kategori:Nummer-ein-singlar i Canada Kategori:Nummer-ein-singlar i Nederland Kategori:Nummer-ein-singlar i Sverige 370 Kategori:Motkulturen i 1960-åra Kategori:Parlophone-singlar Kategori:Songar produserte av George Martin Kategori:Songar skrivne av Lennon–McCartney Kategori:Pinky and Perky-songar Kategori:Echo & the Bunnymen-songar Kategori:Tom Jones-songar Kategori:Capitol Records-singlar Kategori:The 5th Dimension-songar Kategori:Paul McCartney-songar Kategori:Rod Stewart-songar Kategori:Joe Cocker-songar Kategori:Elvis Costello-songar Kategori:Noel Gallagher-songar Kategori:Grace Potter-songar Kategori:Ferrante & Teicher-songar