Автопортрет или Портрет на уметникот — слика од францускиот уметник Едгар Дега, создадена во 1855 година што се чува во Музејот Орсе во Париз.
Опис Дега го создал ова дело на само дваесет и една година, пред да тргне за Италија. Тоа е еден од највпечатливите од неговите петнаесет автопортрети. Всушност, тој често се користел себеси како модел, претставувајќи се како префинет и опуштен денди, совршено интегриран и опуштен во општеството.
Сепак, овој автопортрет евоцира одредена младешка невиност. Дега, очигледно, сè уште не е сигурен во својата надареност, а неговото навидум вкочането лице го издава стравот и вознемиреноста поврзани со аспирациите на некој што штотуку почнал да се занимава со уметност. Позата е формална и академска, потсетува на официјални портрети и, особено, на делата на Енгр, уметникот што Дега го обожавал во тоа време.
Сликата била продадена на француската држава во 1927 година за време на постхумната продажба на збирката на неговиот брат, Рене Дега, во име на Музејот Лувр. Таа пристигнала во 1986 година во новосоздадениот Музеј Орсе, каде што сè уште се наоѓа под инвентарен број RF 2649.Известување од Музејот Орсе
Наводи
Категорија:Слики од Едгар Дега Категорија:Уметнички слики од 1855 година Категорија:Слики во Музејот Орсе