Jesús Gil Manzano, nado en Don Benito o 4 de febreiro de 1984, é un árbitro español da Primeira División e árbitro da FIFA. Pertence ao Comité Territorial Estremeño de Árbitros de Fútbol.
Traxectoria Gil Manzano é licenciado en Ciencias Ambientais pola Universidade de Salamanca, e tamén ten un máster en Prevención de Riscos Laborais e outro máster en Enxeñaría de Recursos Renovables e Enerxía pola Universidade de Estremadura. Comezou como árbitro de fútbol na tempada 1995/96, por casualidade, con só 11 anos, xa que o seu irmán Carlos, cinco anos maior ca el, chegou a casa dicindo que quería ser árbitro. Seu irmán era moi tímido e convenceu a Jesús para que o acompañase, xa que ninguén da súa familia estivera nunca involucrado no mundo do fútbol. Durante eses anos, Jesús practicou o atletismo, proclamándose campión de Estremadura de cross na categoría cadete, e campión de Estremadura nos 3000 m e nos 100 m.
Tras a súa etapa como árbitro nas divisións rexionais do fútbol estremeño, ascendeu á Terceira División con só 17 anos, na tempada 2001/02, permanecendo na categoría durante 5 tempadas. A continuación arbitrou durante tres anos na Segunda B, ata que deu o salto á Segunda División na tempada 2009/10. Arbitrou durante tres tempadas na segunda categoría do fútbol español e na última delas dirixiu o partido de volta da promoción de ascenso á Primeira División, entre o Alcorcón e o Hércules.
O 25 de agosto de 2012, aos 28 anos, debutou na Primeira División, nun encontro entre o Málaga e o Mallorca (1-1), converténdose así no sexto árbitro estremeño na máxima categoría. O 6 de xaneiro de 2013 dirixiu o seu primeiro derbi catalán entre o Barcelona e o Espanyol (4-0), partido celebrado no Camp Nou. O 25 de outubro de 2014, tras arbitrar importantes partidos importantes de liga, dirixiu no Santiago Bernabéu o encontro entre o Real Madrid e o Barcelona (3-1).
O 22 de maio de 2016 actuou como cuarto árbitro na final da Copa do Rei 2015/16 entre o Barcelona e Sevilla no Vicente Calderón. O 21 de abril de 2018 arbitrou a final da Copa do Rei 2017/18 que enfrontou ao Sevilla co Barcelona no Metropolitano. Converteuse así no segundo árbitro estremeño en facelo despois de Fernando Carmona Méndez .
O 12 de maio de 2018 actuou como árbitro asistente adicional na final da Copa de Grecia, o chamado Clásico das aguias bicéfalas entre o PAOK Thessaloniki FC e o AEK Atenas (2-0), un partido que dirixiu o andaluz David Fernández Borbalán. O 12 de agosto de 2018 actuou como árbitro asistente de vídeo na Supercopa de España de 2018, un encontro entre FC Barcelona e Sevilla CF (1-2), que se xogou no estadio de Tánxer . Deste xeito converteuse no primeiro árbitro en intervir oficialmente co VAR en competición española.
O 10 de febreiro de 2019, debido á gran rivalidade futbolística entre o Olympiacos e o PAO K. a Superliga grega solicitou un árbitro español da Real Federación Española de Fútbol para arbitrar o partido crucial, sendo Gil Manzano o escollido para arbitrar o encontro no estadio Toumba (3-1).
Carreira internacional O 1 de xaneiro de 2014 obtivo o distintivo de Árbitro da FIFA, ao igual que o seu axudante Ángel Nevado Rodríguez . Con isto, o árbitro de Don Benito converteuse no árbitro internacional español máis novo da historia con 29 anos.
O 24 de maio de 2014 debutou como árbitro internacional no estadio Pirelli no partido entre a selección sub-19 de Ucraína e a selección sub-19 de Escocia (0-0), partido de clasificación para o Campionato de Europa sub-19 da UEFA de 2014 .
O 27 de setembro de 2017 debutou como árbitro principal na Liga de Campións, nun partido que enfrontou ao Anderlecht contra o Celtic (0-3).
O 11 de outubro de 2016 arbitrou o seu primeiro partido oficial entre seleccións nacionais absolutas, no estadio LFF, un partido de clasificación para o Mundial de 2018, entre a selección de Lituania e a de Malta (2-0).
Notas
Véxase tamén Ligazóns externas Datos do árbitro en BDFutbol .
Categoría:Nados en 1984 Categoría:Nados en Don Benito Categoría:Árbitros de fútbol de España Categoría:Alumnos da Universidade Nacional de Educación a Distancia Categoría:Alumnos da Universidade de Estremadura