Doroteo Fernández Sar, nado na Coruña no século XIX e finado no século XX, foi un deportista e comisionista galego. Mestre de esgrima e remeiro, foi un dos fundadores do Deportivo da Coruña, no que xogou como dianteiro.
Traxectoria Fillo de Federico Fernández-Amor Calvet, foi alumno seu na Sala Calvet e un dos fundadores do Club Náutico da Sala Calvet e do Deportivo da Coruña en 1906. Foi remeiro nas embarcacións do club e xogou como dianteiro na sección de fútbol. Destacou especialmente na esgrima, sendo mestre tanto na Sala Calvet como no exército. Deu clases de esgrima nos cuarteis do Rexemento de Cazadores de Galicia, no que tiña o grao de cabo, ata que nos últimos días de 1918 se trasladou a Madrid para servir na Escolta Real de Afonso XIII.
Máis tarde dedicouse ao negocio da venda de peixe en Madrid, actuando como comisionista. Foi ademais presidente da Casa de Galicia na capital española.
Notas
Véxase tamén Bibliografía
Categoría:Nados na Coruña Categoría:Nados no século XIX Categoría:Nados en ano descoñecido Categoría:Finados no século XX Categoría:Finados en ano descoñecido Categoría:Futbolistas da Coruña Categoría:Dianteiros de fútbol Categoría:Xogadores do Deportivo da Coruña Categoría:Esgrimistas de Galicia Categoría:Remeiros de Galicia