Ке́лты, Κελτοί, Celtae — близкы языково и материалнов културов индоевропейскы племена, в старовѣку занимавшы велику територию в Западной и Середньой Европѣ.Encyclopædia BritannicaЭнциклопедия Кругосвет
История Найстаршым археологичным свѣдчѣньом о Келтах е Галштатска култура (750 до н. е.). Были то бойовны племена и они едны з первых научили ся обробляти желѣзо, а то была една з причин их панованя. Они установили торговлю зоз Старовѣков Грециев и контроловали вшиткы торговы пути вздовж рѣк Рона, Сейна, Рин и Дунай.
В V. сторочу до н. е. Келты зачали експанзию и поступно росширили ся на значну часть Европы (см. мапу).
Од V. до I. стороча до н. е. археологичны артефакты Келтох означують понятьом Латенска култура.
Сполоченство и култура З документалных свѣдчѣнь о Келтах од Цезаря, знаеме, же келтскы племена мали вождя (краля), а сполоченство складовали друиды druides (священици и учителѣ), вояци eques (ѣздцѣ) и просты люде plebs (земледѣлцѣ).
Кельтськы племена не были споены в державу, але мали сполочну материалну културу, язык и вѣру. На добытых новых землях в контактах з автохтонами на дакотрых териториях асимиловали их до свойой културы, але векшинов Келты ся змѣшовали з автохтонами й так ся формовали новы културы. Вплыв Келтох на вывой европскых народох быв величезный.Моця О. П.
Меджи нынѣшныма народами, чий язык заховав найвеце од келтского суть Иры, горяне Шкоции, жителѣ острова Мен, Велшане и Бретонцѣ.
Интересны факты Археологы объявили осады Келтох на горѣ Галиш-Ловачка под Мукачовом и вздовж рѣчкы Ботар меджи селами Новое Клиново и Черна Виноградовского района.УКРІНФОРМ Тоты осады датованы од III. до I. стороча до н. е. и належать ку Латенской културѣ, а их ествованя через цѣлы стороча свѣдчить о великом вплывѣ, ширеном на выход.
Жерела и одказы Моця О. П.: Кельти //Енциклопедія історії України ( Т. 4: Ка-Ком ) — К.: В-во "Наукова думка", 2007. — 528 с.: іл.. – Одчитане: 29.04.2020
Референции
Катеґорія:Старовѣкы народы