Са́бов — призвиско, росширене на землях историчного Мадярского кральовства, на русинскых териториях зафиксоване найскорше в року 1478 в Хустѣ. Походить од апелатива са́бов, сабо́в з szabó крайчир, фахман, котрый знать краяти и зготовити шатя. Мадярске призвиско Szabó найскорше зафиксовано в року 1349. Русинскый апелатив са́бов, сабо́в и розличны диалектны формы (сабӱв, сабув, сабів, сабол) тыж хоснованы, але то архаизм.Чучка П., с. 497.Рамач Ю., с. 455.Ябур В., Плїшкова А., Копорова К., с. 287.
Русинска Википедия мать статьи о людях з призвиском Сабов: Евмений Сабов (1859–1934) — русинскый културный дѣятель Кирил Сабов (1838–1914) — педагог, выдаватель и русинскый народный дѣятель Орест Сабов (1867–1939) — правник, политик, урядник высокого ранга, писатель
Жерела и одказы Рамач Юлиян: Словнїк руского народного язика. Том 2. О - Я — Нови Сад: Филозофски факултет, Одсек за русинистику; Завод за културу войводянских Руснацох; Дружтво за руски язик, литературу и културу: Руске слово. 2017 — 816 с. Чучка Павло: Прізвища закарпатських українців: Історико-етимологічний словник. — Львів: Світ, 2005 — 704+XLVIII с. Ябур В., Плїшкова А., Копорова К.: Русиньска лексика. — Пряшів: Русин і Народны новинкы, 2007 — Одчитане 2020-05-02
Референції
Катеґорія:Етимология Катеґорія:Професії