Базилика векша, basilica maior, множина basilicae maiores — гоноровый статус, надаваный окремым костелам в Католицкой Церкви. Статус надавать Папа римскый.Podręczna Encyklopedia Kościelna, том 2, с. 175.Мозговой С. А., сс. 137–138. Векшы базиликы суть четыри. Инша назва: папска базилика або исторична назва патриарша базилика.
История НайдавнѣйшаЗачаточно в Римѣ были четыри патриаршы базиликы, кажда з котрых была собором найдавнѣйшых патриархатох: Латеранска св. Иоанна Крестителя (Archbasilica Papale di San Giovanni in Laterano ) — Римского; св. Петра (Basilica Papale di San Pietro in Vaticano ) — Константинопольского; св. Павла поза мурамиПоставлена на мѣстѣ погребу Апостола Павла, тогды поза мурами Рима. (Basilica Papale di San Paolo fuori le mura ) — Александрийского; св. Марии Великой (Basilica Papale di Santa Maria Maggiore ) — Антиохийского. Подля регулы Католицкой Церкви од XIV. стороча тоты четыри базиликы требало навщивити в юбилейном року, жебы зыскати повный одпуст (индулгенцию).
В року 451 на Халкидонском соборѣ быв общецерковно вызнаный пятый найдавнѣйшый патриархат — Йерузалемскый и титул патриаршой базиликы достала базилика св. Ловренца (Basilica Papale di San Lorenzo fuori le Mura ), прировнана в привилегиях зоз четырьма спомянутыма. Тота е але basilica minor. Находить ся в Римѣ.
Далша В XIII. сторочу достала статус папской базилика Святого Францишка Ассизского (Basilica di San Francesco d'Assis ), а в XVII. сторочу достала статус папской базилика Святой Марии Ангелской (Basilica di Santa Maria degli Angeli ). Их статус basilica minor. Находять ся в Ассизи. Понеже з четырьох векшых базилик лем базилика св. Петра находить ся во Ватиканѣ, року 1929 Латеранскый договор меджи Ватиканом а Италиев надав статус екстериториалности иншым трьом векшым базиликам: они суть териториев Ватикана и суть охраняны ватикансков полициев.
Сучасность В року 2006 Папа Бенедикт XVII. переменовав патриаршы базиликы на папскы.Basilicas in Italy, Vatican City State, San Marino. Найлѣпшый и бизовный повный одпуст гарантують и нынѣ лем четыри векшы базиликы, понеже лем они мають Святы брамы, пройти крозь котры — традичне повинне условие повного одпуста.
См. тыж Basilica minor Базилика
Жерела и одказы Podręczna Encyklopedia Kościelna (opracowana pod kierunkiem ks: ks Stan. Galla, Jana Niedzielskiego, Henr. Przczdzłeckiego, Ant. Szlagowskiego, Ant. Tauera i redaktora ks Zygm. Chelmlcklego). T. 2. Wydawnictwo biblioteki dzieł chrześcijańskich. Warszawa, 1904. Мозговой С. А.: Базилика //Энциклопедия религий / Под ред. А.П. Забияко, А.Н. Красникова, Е.С. Элбакян. — М.: Академический Проект, Гаудеамус, 2008. — 1520 с. ( Академический Проект) ( Гаудеамус)
Референции
Категория:Базиликы Катеґорія:Латинскы слова и фразы