КГБ СССР, повнов назвов Комитет государственной безопасности СССР — главный орган тайной розвѣдкы, контраразвѣдкы и внуторной безпекы, на который бизовали безпеку Совѣтского Союза.Хаустов В. Н. КГБ одповѣдало тыж за охрану политичных лидерох, дозор за пограничныма войсками и тайный политичный дозор за обывательством.Robert W. Pringle.
Взник и штруктура 13. марца 1954 из Министерства внутра ( Министерство внутренних дел СССР) были выокремлены органы, одповѣдаючы за безпеку, котры вошли до штруктуры, названой КГБ при Радѣ Министрох СССР. КГБ фунговало под прямым дозором КПСС. В штруктурѣ было около 20 директоратох ( управление), такых як, примѣром: розвѣдка контрарозвѣдка военска контрарозвѣдка контрарозвѣдка на транспортѣ бой з идеологичныма диверзиями и внуторныма неприятелями охрана економикы и т.д. Окремому директорату были подряджены пограничны войска. В року 1974 до штруктуры додали антитерористичны оддѣлы Алфа и оддѣлы про диверзии в заграничу Вымпел, а в конци 1980-х — войсковы десантны оддѣлы, котры придушовали антисовѣтскы и националистичны проявы в периферных републиках.
Заник В августѣ 1991 КГБ з его предсѣдательом В. А. Крючковом брали участь в организации державного переворота, котрый скраховав. В резултатѣ тото 3. децембра 1991 Президент СССР М. С. Горбачов подписав закон, котрым была организация ликвидована.
Оцѣнѣня роботы На верху свого вывоя КГБ было найвекшов тайнов полициев и розвѣдков свѣта зоз персоналом, котрый сягав за 480 000 особ (з того 200 000 вояци пограничных войск).
КГБ успѣшно добывала в заграничу научны и техничны информации о новых выробках и материалах: лем за рок 1987 добыли 29 тысяч материалох и 11 тысяч взорох, з чого около третины ся дотыкало военно-промыслового сектора.
Авшак во внутри державы КГБ выступало як стражный пес партии и практиковало репресии против дисидентох. Люде, котры критиковали совѣтскый режим были незаконно насилно поддаваны лѣчѣню на психиатрии.
Як штруктура, обслужуюча интересы партии, КГБ терпѣло на тоты исты проблемы неефективного урядництва и корупции, што и склеротичны лидеры партии. Найлѣпшый доказ того, же наперек своей хваленой шиковности, КГБ не мало добрых аналистох, котры бы вырисовали вѣрный образ упадаючого режима, и не было способне предбѣгнути колапсу СССР.
Жерела и одказы
Хаустов В. Н.: КОМИТЕТ ГОСУДАРСТВЕННОЙ БЕЗОПАСНОСТИ СССР // Большая российская энциклопедия. Том 14. Москва, 2009, стр. 635 Одчитане 2020-04-20
Референции
Категория:Органы безпекы Катеґорія:История СССР