Колумбийска универзита, Columbia University in the City of New York, Universitas Columbiae Neo Eboracensis — найстарша универзита в штатѣ Ню Йорк, една з восьмох елитных универзит США, што суть познаты як Давна Восѣмка або Блющова лига.
Универзита была основана еще до того, як США зыскали независимость. Заложив ю краль Джордж ІІ. яко Кральовскый коледж (1754), по Америцкой войнѣ за независимость в року 1784 зостала прейменована на Колумбийскый коледж, а в року 1896 на Колумбийску универзиту.
В року 1900 Колумбийска универзита стала ся закладаючов членков Асоциации Америцкых Универзит (Association of American Universities) и была первов универзитов в США, де мож было зыскати ступень M.D.
Од року 1917 Колумбийска универзита администруе каждорочно Пулитцерову награду.
Абсолвентами универзиты были многы вызнамны особы, меджи котрыма суть пятеро Отцьове-закладателѣ США. На рок 2018 в рядѣ абсолвентох Колумбийской универзиты стоять три президенты США, 29 заграничных голов держав, 10 судцьох Высшого суда США, 95 Нобеловых лавреатох, 101 член Академии наук, 38 днесь жиючых милиардарьох.Kathleen Elkins: The 10 colleges that produce the most billionaires. CNBC. Accessdate=July 5, 2018 На додаток, штуденты и абсолвенты Колумбийской универзиты добыли 39 наград Академии, 125 Пулитцеровых наград и 11 олимпийскых медалий.
Референции
Катеґорія:Высокы школы США Катеґорія:Колониалны коледжѣ Катеґорія:Блющова лига