Перечин — варош в Закарпатской области Украины, бывшый административный центер бывшого Перечинского района.В року 2020 инкорпорованого Ужгородскым. В сучасности мать Перечин 6.477 жытельох (2022).http://db.ukrcensus.gov.ua/PXWEB2007/ukr/publ_new1/2022/zb_Сhuselnist.pdf
Варошскый статус Перечин достав в року 2004.Вербиленко Г. А.
Землепис Лежить в долинѣ рѣкы Уг, о 21 км на сѣвер од Ужгорода. Через Перечин иде асфалтка Ужгород–Львов и желѣзнична линия Чоп–Москва.Тронько П. и др., с. 439
Середня теплота януара -3,9°С, юла 19,3°С. Вышковый роздѣл в катастровых границях 25 м.Географічна енциклопедія України, том 3, с. 22.
Надморска вышка Уга на входѣ до Перечина 149 м (район Бантлинова товарня, суток з Турьов), на выходѣ 142 м (готарь Яслище), вышка дорогы в том мѣстѣ 156 м.Чешска военска мапа: Země Podkarpatská. Zeměpisný ústav M.N.O., č. 527-1919, л. 4569. Интерполация тых дат давать нижню середню вышку Перечина 171 м. Верхня середня вышка з доданьом вышкового роздѣлу пак буде 196 м.
История Мадярска доба Перва упоминка о селѣ походить з року 1399,Сергій Федака: Перечин. а в року 1427 село упомянуте, як часть доминии грофох Другетох, котрому належало до року 1691, коли перешло у властность грофа Берченьи.
Найдавнѣйша печатка Перечина, яка дошла до нас, походить з року 1823, в тот час село уже належало ерару; а найдавнѣйшым старостом (бировом), за котрого заховали ся упоминкы быв Иван Иваник, што бировив в серединѣ XIX. стороча, потомкы котрого жиють в Перечинѣ донынѣ. На основѣ найстаршых упоминок и печаток варошска рада в року 1999, коли Перечин святковав 600-роча, схвалила днешный герб Перечина, на котром стоить и рок его основаня.
В року 1893 нѣмецке акционерне товаришство Бантлин отворило в Перечинѣ лѣсохемичный комбинат, де з букового дерева выробляли смолу, ацетон, метиловый шпиритус, оцтовый квас и др. Комбинат мав филиалку в Тури Быстрой, де мали роботу 156 особ, а в року 1903 лем в самом Перечинѣ мали роботу 272 сталы роботници. В тых роках аж до Ужоцкого перехода потягли желѣзницю, в Перечинѣ збудовали желѣзничну штанцию, отворили фирес з 30 робочыма мѣстами, де продуковали шлиперы про штреку.Тронько П. и др., сс. 441-442 Чехословацка доба 14. януара 1919 Перечин окуповало чешске войско, але в апрѣлю мусѣло лишити село. Мѣстны лѣвы пробовали установити владу Совѣтох, але неодовго Чехы ся вернули и той владѣ настав конець. За Чехох ся стали позитивны змѣны в културѣ. В роках 1928-30 збудовала школу на 400 мѣст чешска фирма Лана, тота сама, што будовала район Галагов в Ужгородѣ. Коли подля Вѣденьского арбитражу 2. новембра 1938 Ужгород передали Мадярщинѣ, Перечин обстав ся в Карпатской Украинѣ.
Фирма Бантлин перешла у властность Живнобанкы. На перечинской фабрицѣ робило уже 2000 роботникох, але наслѣдком кризы в року 1936 зостало лем 200.Достал Я., с. 132.
Друга мадярска доба Од 15. марца 1939 до 27. октобра 1944 Перечин быв окупованый Мадярами.
Совѣтска доба Зачала ся 27. октобра 1944 з приходом Червеной армады. В совѣтскый период отворили сокову и древообробну фабрикы, промысловку, дом културы.Кудрицкий А.В. и др., с. 655. В року 1968 отворили фабрику радиоелектронных сучасток «Стеатит», днесь закрыту. В року 1988 завели природный газ зоз Уренгоя.
Туристичны объекты Памяткы архитектуры, истории и умѣня: Свято-Николайовска церква (1763—69) костел св. Августина (1906) памятник поштарю Федору Фекетѣ (автор М. Белень) Шпорт и рекреация: лыжарска база на горѣ Плѣшка (51/2 км воздухом, около 15 км пѣшым ходом)Трамп на гору ПлѣшкаМапа высот в околици, гора Плѣшка.
Жерела Вербиленко Г. А.: Перечин. //Енциклопедія історії України : у 10 т. / Смолій В. и др. (ред.). Інститут історії України НАНУ. — К. : Наук. думка, 2003-2013. ; том 8 (2011) , с. 141. Географічна енциклопедія України, 3 том; К., «Українська енциклопедія», 1993. Достал, Ярослав. Підкарпатська Русь (Закарпаття періоду Чехословацької республіки: 1919–1938). Ужгород, «Карпати», 2014. . Кудрицкий А.В. и др. (ред.). Украинский советский энциклопедический словарь в трех томах. / Главная редакция Украинской Советской Энциклопедии им. М.П. Бажана. К., 1988. Том 2. . Тронько П. и др. (ред.) Історія міст і сіл України. Том 7. Закарпатська область. К. 1969.
Екстерны одказы
ПЕРЕЧИН, ПЕРЕЧИНСЬКИЙ РАЙОН, ЗАКАРПАТСЬКА ОБЛАСТЬ. //Історія міст і сіл України. Том 7. Достал Я. Підкарпатська Русь (Закарпаття періоду Чехословацької республіки: 1919-1938) pdf Мапа высот в околици, гора Плѣшка Сергій Федака: Перечин. Референции
Катеґорія:Населены пункты Украины Катеґорія:Населены пункты Закарпатской области