Михайло Идворскый Пупин, Michael Idvorsky Pupin (*4. октобер 1858, Идвор, Войводина — †12. марец 1935, Ню Йорк, США) — америцкый физик сербского походжѣня.

Биография В дѣточом вѣку трафив до Америкы, де заробляв на живобытя тяжков роботов. В року 1879 зачав штудии на Колумбийской универзитѣ в Ню Йорку. Мав постградуалны штудии в Кембриджу и Берлинѣ. В року 1901 запатентовав свой найпознатѣйшый вынаход пупиначну цѣвку, котра дозволила реализовати телефонну голосову комуникацию на далекы, дотогды неможны одстояня. «Пупинация» зробила реалностьов телефонне споеня атлантичного и тихоокеанского берега США, хоснована была и в Европѣ.Révai nagy lexikona, т. 15, с. 762.

Пришов до США в року 1874. В року 1883 зыскав ступень бакаларя и америцке горожанство, в року 1889 — ступень доктора. Того ж року достав мѣсто професора математичной физикы на Колумбийской универзитѣ, од року 1931 емеритный професор.Encyclopaedia Britannica.

Пупин выступав и на политичной сценѣ, быв главным конзулом Сербии в Ню Йорку. В року 1914, в часѣ свѣтовой войны, коли США зоставали еще невтралны, вербовав добровольцьох меджи Америчанами сербского и чорногорского походжѣня и тайно засылав на фронт до Европы, за што мав неприемности з америцков владов.

Окрем телефонии, далшым важным объявлѣньом Пупина было то, же атомы, подданы рентгеновым зарям, емитують секундарне рентгенове зарѣня (1896). На основѣ того вынайшов технику, як з помочов флуоресценчного дисплея мож робити рентгеновы знимкы з куртов експозициов, што лягло в основу медицинской диагностичной флуорографии. Михайло Пупин мав и литературный дар. В року 1924 зыскав Пулитцерову награду за автобиографичну книжку Од имигранта до вынаходника (From immigrant to inventor, 1923).

Жерела и одказы Révai nagy lexikona. 1-21. köt. Révai Testvérek Irodalmi Intézet Részvénytársaság, Budapest. 1911–1935. Mihajlo Pupin, Serbian American physicist. //Encyclopaedia Britannica. Michael Pupin: From immigrant to inventor. Charles Scribner's sons. New York - London. 1949.

См. тыж Пупинация

Референции

Катеґорія:Физици Катеґорія:Вынаходници