Vence (Vénço an lenga local) a l'é na comun-a fransèisa ëd 18200 abitant, postà ant ël dipartiment ëd j'Alp Marìtime e ant la region ëd Provensa-Alp-Còsta Asura.
Stòria
La sità a l'é stàita fondà dai ligurin. Sò nòm roman a l'era Vintium.
Con ël cristianésim a l'é dventà n'amportanta sità episcopal e a l'ha avù dij vësco tanme San Veran (V sécol), San Lambert (sécol ch'a fa XII), Lissànder Farnèis (futur Pàul III, sécol ch'a fa XVI), Antoine Godeau (sécol ch'a fa XVII), Surian (sécol ch'a fa XVIII).
Leu anteressant La catedral ëd Nòstra Sgnora dla Natività Ël castel
Eveniment e manifestassion Durant la fin dë sman-a ëd Pasca a-i é la comemorassion dl'assedi che Vence a l'ha patì e vagnà dël 1592, durant le guère ëd religion, contra l'ugonòt Lesdiguières; durant ij festegiament a-i son mùsica, baj popolar, mëssa al duvert, bataja dle fior Da mità luj a mità ost as ten ël festival Le neuit dël sud Festa patronal ëd Santa Elisabeta, la prima fin dë sman-a d'ost Ël Pais ëd mes a festegia soe tradission: festival dij mësté, a la fin dë stèmber
Ij mërcà Tuti ij di, gavà ël lùn-es, as ten ël mërcà dle fior e dij produtor an piassa dël Grand Giardin e piassa Surian. Al merco an piassa dël Grand Giardin a-i é ël feramiù e ël mërcà dij lìber dovrà.
Categorìa:Comun-e dël dipartiment ëd j'Alp Marìtime