Erik Tysse () er ein norsk kappgjengar. Han har vunne 25 NM-gull og motteke 6 kongepokalar. I 2006- og 2007-sesongen var han mellom dei ti fremste i dei store internasjonale meisterskapane. Den beste internasjonale plasseringa hans er femteplassen på 50 km under VM i friidrett i Osaka i 2007. I 2007 sesongen vart Tysse og nummer to samanlagt i IAAF Race Walking Challenge. I 2010 vart han teken for doping og utestengt frå idretten i to år.
Tysse er yngre bror til Kjersti Tysse Plätzer og han vert trena av svogeren sin, Stephan Plätzer. Han tevlar for Norna-Salhus og bur på Søfteland.
Dopingsak Den 20. juli 2010 blei det kjent at Erik Tysse hadde gjeve positiv dopingprøve på stoffet CERA, eit tredjegenerasjons EPO-stoff. Prøven var teken av Det internasjonale friidrettsforbundet under ei tevling i San Giovanni i Italia 1. mai 2010. Domsutvalet i Norges idrettsforbund fann han skuldig og gav han to års utestenging frå idretten. Sjølv hevda Erik Tysse at han ikkje hadde brukt preparatet, og anka saka til den internasjonale skiljedomstolen for idretten (CAS). Der vart alle ankepunkt Tysse og ekspertane hans hadde fullstendig attendevist og dei vann ikkje fram på noko punkt. Dommen på to års utestenging var rettskraftig. Utestengingstida tok slutt den 7. juli 2012. Aftenposten, 07.07.12: Erik Tysse forberedt på blandet mottakelse Dette var akkurat i tide til at kappgjengarmiljøet på Os/skyldfolka hans vann å arrangere ei uttakigstevling slik at han kunne nå å oppfylle kravet til uttak til OL i London. Fyrste dagen han hadde lov til å delta i tevlingar att, 8. juli, kvalifiserte Erik Tysse seg til OL. Olympiatoppen tok han så ut til OL i London, men denne avgjerda var omstridt. Nrk.no: Tysse og Vukicevic fikk OL-billetter Tysse deltok her på 20 kilometer kappgang, og enda på ein 14. plass.
Plasseringar ÅrTevlingStadPlasseringDistanse2002EMMünchen, Tyskland 1720 km2003VMParis, Frankrike 1920 km2005VMHelsingfors, Finland 1320 km2006World Race Walking CupLa Coruña, Spania 920 kmEMGöteborg, Sverige 720 km2007VMOsaka, Japan 820 km 550 km
Kjelder IAAF profil for Erik Tysse VM-profil på nettstaden til Norges fri-idrettsforbund
Referansar
Bakgrunnsstoff CAS 2011/A/2353 Erik Tysse v. Norwegian Athletics Federation & International Association of Athletics Federations - Domspapir frå CAS i dopingsaka
Kategori:Norske kappgjengarar Kategori:Norske deltakarar under sommar-OL 2008 Kategori:Friidrettsutøvarar under sommar-OL 2008 Kategori:Norske deltakarar under sommar-OL 2012 Kategori:Friidrettsutøvarar under sommar-OL 2012 Kategori:Norske deltakarar under sommar-OL 2016 Kategori:Friidrettsutøvarar under sommar-OL 2016 Kategori:Folk frå Os i Hordaland Kategori:Dopingsaker i friidrett