Керол Ен Дафи (, ) — британска поетеса и драматург. Таа е професорка по современа поезија на Универзитетот Манчестер Метрополитен и била назначена за поет лауреат во мај 2009 година, а во 2019 година поднела оставка. Таа е првата жена, првиот поет роден во Шкотска и првиот познат ЛГБТ поет што бил на оваа позиција.
Животопис Керол Ен Дафи е родена во римокатоличко семејство во Горбалс, кој се смета за сиромашен дел од Глазгов. Мајка ѝ била Мери (моминско Блек), а татко Френк Дафи, електромонтер.Forbes, Peter. "Winning Lines" , The Guardian, 31 August 2002. Родителите на нејзината мајка биле Ирци, а нејзиниот татко имал баба и дедо од Ирска. Таа е најстара од петте деца. Семејството се преселило во Стафорд, Англија, кога Дафи имала шест години. Нејзиниот татко работел за Инглиш електрик (English Electric). Како синдикалец, тој неуспешно бил кандидат за пратеник на Лабуристичката партија во 1983 година, покрај управувањето со фудбалскиот клуб Стафорд.
Дафи се школувала во Стафорд во основното училиште Сент Остин (1962–1967), во манастирското училиште Свети Џозеф (1967–1970) и во средното женско училиште Стафорд (1970–1974). Нејзиниот книжевен талент бил поттикнат од двајца професори по англиски јазик, Џун Скривен во Сент Џозеф и Џим Вокер во женското училиште Стафорд. Таа била страсна читателка од рана возраст и отсекогаш сакала да биде писателка, почнала да твори песни од 11-годишна возраст.
На 16-годишна возраст, Дафи започнала врска со поетот Адријан Хенри, која траела до 1982 година. Дафи подоцна ја запознала поетесата Џеки Кеј, со која имала 15-годишна врска. За време на нејзината врска со Кеј, Дафи ја родила ќерката Ела (родена 1995 година), чиј биолошки татко е нејзиниот колега, поетот Питер Бенсон.
Римокатоличко воспитувана од нејзините родители, Дафи станала атеист кога имала 15 години. Сепак, таа зборувала за влијанието што нејзиното религиозно воспитување го имало врз нејзината поезија, изјавувајќи: „Поезијата и молитвата се многу слични“.
Таа е отворено лезбејка.
Во 2021 година го добила Златниот венец на Струшките вечери на поезијата.
Наводи
Надворешни врски Manchester Writing School at Manchester Metropolitan University Carol Ann Duffy at BBC Poetry Season Carol Ann Duffy at British Council: Literature Duffy at the Poetry Archive, Biography and audio files. The 5-Minute Interview Jeanette Winterson Interview Channel 4 Carol Ann Duffy at Library of Congress Authorities, with 31 catalogue records Portraits of Carol Ann Duffy at the National Portrait Gallery, London
Категорија:Британски драматурзи Категорија:Дами-заповеднички на Редот на Британската Империја Категорија:Британски атеисти Категорија:Членови на Кралското книжевно друштво Категорија:Живи луѓе Категорија:Родени во 1955 година Категорија:Добитници на Златен венец на Струшките вечери на поезијата