Рами Мехмед-паша (, 1645 – 1706) — отомански државник и поет, кој служел како Голем везир (1703), управник на Кипар и управник на Египет (1704–06). Творел во духот на диванската книжевност (придавката Рами што значи „Послушен“, како што псевдонимски се потпишувал во неговите песни).
Младост Роден е во 1645 г. во Цариград во семејството на Теразиџи Хасан-ага. Откако го завршил образованието, стапил во државна служба. Во 1690 г. бил назначен како чиновник во министерството за надворешни работи. Во 1696 г. самиот бил назначен за министер за надворешни работи (реис ул-кутаб) и три години подоцна ја застапувал државата во мировните преговори во Карловци со кои се ставил крај на Војната на Светата лига.Ayhan Buz: Osmanlı sadrazamları, Neden Kitap, İstanbul, 2009 , pp 154-156 во обид да ги ублажи отоманските загуби како губитник во војната.
Голем везир На 25 јануари 1703 г. станал голем везир — највисоката државничка функција, веднаш под султанот. Меѓутоа, набргу сфатил дека фактички владетел на царството бил верскиот поглавар (шејх ул-ислам) Фејзула, кој имал големо влијание врз султанот Мустафа II. Султанот му наредил на Рами Мехмед строго да ги следи советите на Фејзула, што било вон сите правила. Дури и во овие неповолни услови, Рами направил обид да изврши реформи во повоеното стопанство и во морнарицата, но не успеал да ги спроведе поради прекинот на службата.
Речиси неомеѓената власт на Фејзула, заедно со настојувањето на султанот да живее во Одрин место во престолнината, предизвикало силни негодувања кај војниците и граѓаните на Цариград. Летото 1703 г. кренале бунт против султанот. На крајот од овој бунт, познат како Одринско востание, на 22 август 1703 г. Рами Мехмед и самиот султан биле симнати од власт.Prof. Yaşar Yüce-Prof. Ali Sevim: Türkiye tarihi Cilt III, AKDTYKTTK Yayınları, İstanbul, 1991 p 247-250
Смрт Рами бил преназначен за управник на Кипар, а потоа на Египет, но во 1706 г. бил прогонет на грчкиот остров Родос, каде на крајот починал.
Книжевна дејност Рами Мехмед бил пријател со славниот поет Јусуф Наби. Самиот пишувал доста песни, како и спомени од кариерата. Ја напишал и книгата „Карловски договор“ (Karlofça Sulhnamesi) во која го обработува мировниот договор.
Оставнина Денес во негова чест е наречена населбата Рами во Истанбул, бидејќи е подигната на местото кајшто тој имал чифлик.
Поврзано Список на Големи везири на Отоманското Царство Список на отомански управители на Египет
Наводи
Категорија:Големи везири на Отоманското Царство од 17 век Категорија:Големи везири на Отоманското Царство од 18 век Категорија:Отоманци од 17 век Категорија:Отомански управители на Египет Категорија:Отомански управители на Кипар Категорија:Отомански поети Категорија:Отомански Турци Категорија:Луѓе од Истанбул Категорија:Починати на Родос Категорија:Родени во 1645 година Категорија:Починати во 1706 година Категорија:Рејс ул-ќутаб