Пејот (лат. Lophophora williamsii) — мал кактус без стебло. Неговиот првичен регион на виреење се простирал од југоисточниот дел на САД (вклучувајќи ги Тексас и Ново Мексико) па сè до централно Мексико. Со векови се користи поради психоделичните ефекти кои ги предизвикува при неговото внесување.
мини|лево|Хемиска структура на мескалинот, главното психоактивно соединение во пејот Од цветовите на кактусот понекогаш се развиваат розови овошки, кои личат на феферонки со деликатен и сладок вкус. Растението има мали, црни семки на кои им требаат влажност и топлина за да изртат, што е и една од причините за тоа што се поретко може да се најде на своите природни наоѓалишта. Нивниот број се намалува и поради нивното стопанско исползување. Пејотот содржи многу типови на фенетиламински алкалоиди, од кои најзастапен е мескалинот. Сите видови на Lophophora во природа растат многу полека, често им се потребни и до триесет години додека да почнат да цветаат (до тој момент без коренот имаат големина колку едно голф топче). Додека оние видови кои ги одгледуваат луѓето растат значително побрзо. Вообичаено им се потребни шест до десет години од никнувањето додека да ги дадат првите цветови. Поради mногу спориот раст на пејотот и прекумерното берење, се смета дека постои опасност од истребување на ова растение.
Ова растение е тема и на есејот „Врати на восприемањето“ (The doors of perception) од Олдос Хаксли, а според истиот тој есеј за ова растение е засновано името на рок-групата The Doors.
Надворешни врски
„Пејотот и религијата“ Пејотот нема да ти го уништи мозокот Забелешки за одгледување Lophophora Одгледување Lophophora williamsii Слики од Lophophora на нејзините вообичаени места на виреење Новости за пејотот
Категорија:Кактуси Категорија:Ентеогени Категорија:Халуциногени Категорија:Флора на Мексико