Белокрстен свиркач или кривоклуна пескарка () — мала птица од семејството на мочварките (), родот на пескарките (), која се размножува во тундрите на северен Сибир. Таа е типична птица преселница која зимува во Африка, но и во југоисточна Азија и Австралија. Се среќава и во Македонија. Опис Белокрстниот свиркач е мала птица, само малку поголема од обичниот свиркач со должина од 19.5 до 21 см, но разликата е што има подолг, надолу свиен клун, подолг врат и нозе и бел задник. Возрасните единки во сезоната на парење имаат матно темносиви горни пердуви и цигла црвени долни делови. Во зима се светлосиви одозгора и бели одоздола и имаат јасна бела линија кај окото. Младенчињата имаат сив и кафен грб, бел стомак и розовикави гради. Поведение
Мажјакот за време на додворувањето изведува воздушни акробации. Женката снесува 3-4 јајца на земја во тундрата и тајгата, претежно во Сибир. Многу е тешко да се каже каков е успехот од размножувањето зашто гнездата на птиците се распрскани во бескрајниот простор, а нивното место зависи од времето. Од сите крајбрежни птици, белокрстниот свиркач има најкуса сезона на парење. По размножувањето, птиците се селат далеку на југот од Африка, Австралија и Индија, понекогаш патувајќи и по 15.000 км. Овие птици формираат големи јата кога се селат мешајќи се и со други птици, особено со обичниот свиркач. На своето патување поминуваат низ Европа. Исхрана Овие птици најмногу се хранат со леминг (мали глодачи), но при преселбата тие обично пасат во мочуриштата крај бреговите и јадат разни инсекти. Статус Пребројувањето на птиците во јужна Африка каде најголемиот број зимува, покажува дека во периодот од 1975 до 2009 година нивниот број опаднал за 40%. Сличен тренд е забележан и во Австралија, и можеби ова е поврзано со ефектот на глобалното затоплување на местата каде тие се размножуваат. Договорот за заштита на африканско-евроазиските миграторни птици се однесува и на овој вид.
Наводи
Hayman, Marchant and Prater, Shorebirds ISBN 0-395-37903-2 Mullarney, Svensson, Zetterstrom and Grant, Collins Bird Guide ISBN 0-00-219728-6 Thomas, Gavin H.; Wills, Matthew A. & Székely, Tamás (2004): A supertree approach to shorebird phylogeny. BMC Evol. Biol. 4: 28. PMID 15329156 PDF fulltext Supplementary Material de Villiers, M S(ed). 2009. "Birds and Environmental Change: building an early warning system in South Africa". SANBI, Pretoria. ISBN 978-0-620-45305-9
Надворешни врски Curlew Sandpiper - Species text in The Atlas of Southern African Birds. Pictures of Curlew Sandpiper Avibase Identification article on autumn Curlew Sandpipers Ageing and sexing (PDF; 1.4 MB) by Javier Blasco-Zumeta & Gerd-Michael Heinze
Категорија:Пескарки Категорија:Птици на Македонија