Белокрстниот шарен клукајдрвец (Dendrocopos leucotos) е Евроазиски клукајдрвец кој припаѓа на родот Dendrocopos. Toj е најголем од досега забележаните клукајдрвци во западниот палеарктик. Го има и во Македонија.
Опис
Белокрстниот шарен клукајдрвец е долг 24-26 см, со распон на крилјата 38-40 см и има перја слични како големиот шарен клукајдрвец, но со бели линии низ целите крилја наместо точки и бел долен грб. Мажјаците имаат црвена круна, а женките црна.
Распространетост Подвидот D. l. leucotos го среќаваме во централна и северна Европа, а подвиодот D. l. lilfordi на Балканот и во Турција. Уште десет подвида се распространети до Кореја и Јапонија. Таа е ретка птица, која бара голема шума, со многу мртви дрвја. Нивниот број значително се намали во нордиските земји, а во Шведска се смета за загрозен вид и е ставен во националната прогарама за заштита.National Biodiversity Action Plan of Sweden, Upsala (1999)
Поведение
Во сезоната на парење овој клукајдрвец, како и другите од неговиот род, прави гнездо во дупките на дрвото, која е широка околу 7 см и 30 см длабока. Снесува 3-5 бели јајца и ги инкубира 10-11 дена. Се храни претежно со дрвните штетници - инсекти, и нивните ларви, со разни други инсекти, како и со ореви, семиња и други плодови. Чукањето во дрво од страна на мажјаците е многу силно, а огласувањето вклучува мек звук „киук“ и малку подолг „куееек“.
Подвидови
Има 12, до сега познати, подвида:
D. l. leucotos D. l. lilfordi D. l. tangi D. l. subcirris D. l. stejnegeri D. l. namiyei D. l. takahashii D. l. owstoni D. l. fohkiensis D. l. insularis D. l. quelpartensis D. l. uralensis
Наводи
Извори Gorman, Gerard (2004): Woodpeckers of Europe: A Study of the European Picidae. Bruce Coleman, UK. ISBN 1-872842-05-4.
Надворешни врски Avibase
Категорија:Клукајдрвци Категорија:Птици на Македонија