Цваните, или познати како Боцвани или само Цвана (, еднина Motswana) се јужноафрикански банту-народ чија матична држава е Боцвана. Цваните сочинуваат околу 80% од вкупното население на државата. Мајчин јазик на Цваните е цвана („сецвана“), кој им припаѓа на групата на нигерконгоански јазици. Иако Боцвана е матична држава на Цваните, сепак мнозинството Цвани живеат во ЈАР, каде ги има над 3 милиони.
До 19 век народот бил нарекуван како Бечуани од страна на Европејците. Името „Бечуани“ е всушност погрешен изговор на етнонимот „Боцвана“, термин кој се користи за државата, а не за народот. Јазикот цвана има поголем број претставки кои имаат важна функција. Така, на коренот Цвана, се добива Моцвана (кој се користи за еден човек), Бацвана (кој се користи за народот), Боцвана (кој се користи за државата) и сецвана (кој се користи за јазикот).
Боцвана Името на државата Боцвана е добиено по името на народот Цвана. Сите главни „племиња“ на Цваните зборуваат на сецвански. Секое „племе“ има свој поглаватар и така се формира „Домот на поглавиците“.
Главните цвански „племиња“ се: Кгатла Коена Малате Мангвато Нгвакеце Ролонг Тавана Тлоква
ЈАР Цваните се едно од главните црни малцинства во ЈАР и нивниот јазик е еден од 11-те службени јазици во државата. Во ЈАР има повеќе Цвани одошто во Боцвана. До 1994 година, Цваните во ЈАР живееле во рамките на Бопутацвана, а денес Северозападна покраина.
Наводи
WorldStatesmen website on political and administrative entities, per present state http://archive.lib.msu.edu/DMC/African%20Journals/pdfs/PULA/pula015001/pula015001004.pdf
Поврзано Боцвана Цвана (јазик) Банту
Категорија:Цвани