Електротехничкиот факултет при Универзитетот „Гоце Делчев” – Штип е сместен во Радовиш и е единствен таков факултет во регионот на Источна Македонија.
Историјат
Факултетот е сместен во реновиран и модерно опремен објект со сета потребна инфраструктура – предавални, лаборатории за експериментални и практични вежби, компјутерска лабораторија, библиотека со читалница, конференциска сала, книжарница, студентски клуб. Во стратегискиот план за развој на Факултетот е планирано изградување на технолошко јадро за поддршка на малите и средните бизниси и развивање на нови лаборатории за научноистражувачката работа на Факултетот.Официјално мрежно место на Електротехнички факултет - „За факултетот“
Основна мисија на Електротехничкиот факултет при реализација на првиот циклус на студии е студентите да добијат солидно високо образование по електротехника, со што стануваат квалификувани во национални и во меѓуна¬родни рамки, успешни во избраната професија и подготвени за понатамошно образование во вториот и третиот циклус на студии.
Организација и структура
Функцијата декан на Електротехничкиот факултет ја врши проф. д-р Татјана Атанасова Пачемска, додека продекан на Факултетот е проф. д-р Василија Шарац. Работата на Електротехничкиот факултетот е организирана во три катедри: Катедра за индустриска електроника и автоматика, Катедра за електрични мерења и стандарди и Катедра за индустриски процесни компјутери. Студентот за време на студиите има можност да се вклучи во научноистражувачка работа, преку изработка на проектна задача или семинарски труд по разни предмети и со изработка на дипломски труд. Факултетот ги поддржува студентите на разни начини, при организирање на настани (студентски конференции и други манифестации) и при вмрежување за размена и подвижност со други високообразовни институции од земјава и во светот.
Студиските програмисе организирани во: Прв циклус на студии Втор циклус на студии
Носител на студиите е Електротехничкиот факултетот, а реализатор на студиите се катедрите кои се составен дел на Електротехничкиот факултетот, а тоа се: Катедра за Електротехника и електромашинство Катедра за Автоматизација, регулација и управување со технолошки процеси Катедра за Електроника Катедра за Електроенергетика Катедра за Tелекомуникациско инжинерство
Прв циклус на студии
Електротехничкиот факултет им обезбедува на студентите развој на технички вештини, како и проучување на фундаментални и применети знаења од областа на електротехниката, посебно за разбирање на новите технологии и придонесување во идниот развој на професијата дипломиран електроинженер. Електротехничкиот факултет обезбедува развој на вештини за критичко и проблемско размислување, како и развој на говорни и писмени комуникациски вештини важни на проектното и тимско работење во професијата. Во првиот циклус на студии на Електротехничкиот факултет се изучуваат следниве студиски програми: Системи за автоматско управување Обновливи извори на енергија
Втор циклус на студии Во вториот циклус на студии на Електротехничкиот факултет се изучува следнава студиска програми: Автоматизација и процеси
Наводи
Надворешни врски Официјално мрежно место на Електротехнички факултет - Радовиш Универзитет „Гоце Делчев“ - Штип
Категорија:Универзитет „Гоце Делчев“ Категорија:Факултети при Универзитетот „Гоце Делчев“ - Штип Категорија:Образованието во Радовиш