Паулус Хектор Мајр (, 1517 - 1579) — градски чиновник од Аугсбург, Баварија, активен деец во полето на боречките вештини во тоа време. Бил страствен колекционер на мечувалски книги и самиот се заложил да го собере сето знаење за мечувалството во една голема збирка во која се содржат сите дотогашни дела. За таа цел го ангажирал сликарот Јерг Број Помладиот, како и двајца искусни мечувалци, кои имале за задача да ги усовршат техниките пред да бидат насликани. Овој проект чинел многу пари, и траел цели четири години, и самиот Мајр вели дека за таа цел ги потрошил сите семејни пари и сиот имот. Зачувани се три верзии на неговата збирка, како и уште една подоцнежна непотполна верзија.
Мајр не само што потрошил огромна сума пари за своите збирки и проекти, туку и водел исклучително скап живот, и често бил домаќин на друштвени настани и приеми за најважните членови на локалната буржоазија. Неговите сопствени приходи не ги задоволувале потребите, па затоа Мајр ја злоупотребувал неговата функција како надзорник на градската каса (од 1541 г.) и долги години проневерувал фондови. Во 1579 г. неговите проневери биле откриени, и за тоа Мајр бил обесен, на старост од 62 години.
Ракописи thumb|330px|Страница од Ракпс. Дрезд. C 93: фол. 75v: 112: Am schnit mit ainem uberfallen aus der Kron fol. 76r: 113: Die ersten Kampfstuck des langen Schwerts Библиотека на Саксонија, Дрезден, Ркпс. Дрезд. C 93/94, по 1542, два тома, 244+328 фолии, текст на германски јазик. Библиотека на Баварија, Минхен код. икон 393, по 1542, два тома, 309+303 фолии, текст на латински јазик. Ова е најлуксузното Мајрово издание, кое во 1567 г. го продал на Војводата на Баварија Алберт V, наводно по вртоглава цена од 800 флорини. Национална библиотека на Австрија, Виена, Codex Vindobensis 10825/26 по 1542, два тома, 270+343 фолии, двојазичен латинско-германски текст. Градски архив на Аугсбург, Schätze B2 Reichsstadt, 1553, 110 фолии, илустриран од Хајнрих Фогтер, заснован на материјал преземен од Антон Раст од Нирнберг († 1549).
Литература Knight, David James and Brian Hunt. Polearms of Paulus Hector Mair . Paladin Press, 2008. ISBN 13: 978-1-58160-644-7.
Поврзано Историски европски боречки вештини Германска мечувалска школа
Надворешни врски De arte athletica, Том I Минхенски ракопис (во боја). De arte athletica, Том II Минхенски ракопис (во боја). Скенирани слики од виенскиот ракопис (thearma.org)
Категорија:Германски мечувалци Категорија:Историски европски боречки вештини Категорија:Луѓе од Аугсбург