Сасите или Трансилваниските саксонци (; ; ) се познати по нивните развиени рударски вештини, така што во средината на XIII век благодарение на нив доаѓа до развој на рударството во средновековна Трансилванија и на Балканот. Таму ги нарекувале Саси, додека кај Дубровчаните се сретнуваат како Алемани, Алмани, Теотонци и Тедеши. Не се разјаснети околностите поради кои тие се населуваат на овие простори, но се претпоставува дека повикот на српскиот крал Стефан Урош I (1243-1276), како и монголската наезда од 1241 ги принудила на преселба. Бугарскиот цар Иван Шишман ги вика на македонската планина Осогово, каде што го отвораат рудникот Саса. Во нивна чест, таму денеска се наоѓа и селото Саса. Иако се нарекуваат Саксонци, тие потекнуваат од западните делови на Германија и всушност зборуваат Мозелфранконски дијалекти, а не саксонски. Тие главно биле од Луксембург, од Нидерландија и од Алзас во денешна Франција.