Hypericum tetrapterum (syn. H. quadrangulum) — вид повеќегодишно тревесто растение кое припаѓа на родот Hypericum и семејството кантариони (Hypericaceae).
Опис и распространетост Hypericum tetrapterum е растение што достигнува височина до 70, а понекогаш и до 100 см. Стеблото е вертикално, разгрането горе, четириаглесто со четири крила, светло до темно кафеаво, голо, а на врвот има ретки црни жлезди. Лисјата се долги 10–30 мм, јајцевидни до елиптични, приседнати и со широка основа го обвиваат стеблото, на врвот заоблени, целосни, голи, со густи прозрачни жлезди по рабовите и понекогаш по површината, со црни точкисти жлезди. Цветовите се собрани во соцветие налик на штит. Прицветниците се тесно копјести, до 4 мм, целосни, без или со неколку црни жлезди. Чашкините ливчиња се долги 4–5 мм, копјести, целосни, заострени на врвот, понекогаш со 1–2 црни жлезди и со многу светли долгнавести жлезди. Венечните ливчиња се долги 7–8 mm, горе со бројни портокалово-кафеави жлезди, а по рабовите со по некоја црна жлезда. Прашниците се собрани во три групи, а антерите имаат црна жлезда. Плодната кутијка е долга 8–9 mm, конусно-цилиндрична, со паралелни надолжни смолни канали. Семките се долги 0,8–1 мм, цилиндрично-бубрежести, кафеави, со набрана мрежеста површина.
Расте на влажни мочуришта и блата, покрај потоци, реки и езера. Претставува широко распространето растение.
Hypericum tetrapterum потекнува од умерениот појас на Европа, земјите од медитеранскиот слив во Европа, Северна Африка и Западна Азија, како и од Кавказ, Ирак и Иран.
Низ Македонија се среќава во Скопје; Таорска Клисура; Гостивар; Маврови Анови; Дебар - с. Баниште; Демир Хисар - кон с. Сопотница; Ресен - с. Крани; Охрид - манастир Св. Наум; Струшко Блато; Прилеп - Плетвар; Кочани; Пехчево - Буковиќ; Струмица - Моноспитовско Блато; пл. Огражден - Суви Лаки; пл. Јакупица - Мумџица; пл. Кораб; пл. Бистра. Варијабилност Прифатени се три варијанти.
Hypericum tetrapterum var. anagallifolium – јужна Турција до Израел Hypericum tetrapterum var. corsicum – Корзика Hypericum tetrapterum var. tetrapterum Галерија
Наводи
Категорија:Флора на Европа Категорија:Кантарион (род) Категорија:Кантариони Категорија:Флора на Македонија