Шелтон Џексон Ли (Англиски: Shelton Jackson Lee; роден на 20 март 1957 година) познат како Спајк Ли ― американски режисер и глумец.
Во своите дела Ли постојано ги истражува расните односи, проблемите во црнечката заедница, улогата на медиумите во современиот живот, урбаниот криминал и сиромаштијата и други политички прашања. За својата работа добил многу признанија, меѓу кои Оскар, Награда од студентската академија, две Primetime Emmy награди, БАФТА награда и две Peabody награди. Во 2002 година, исто така, добил почесна награда БАФТА, во 2003 година почесен Цезар, во 2019 година почесна награда од Академијата, а добил и Гала награда од Филмското друштво при Линколн центарот и наградата Дороти и Лилијан Гиш.
Неговата продуцентска куќа, 40 Acres and a Mule Filmworks, од 1983 година продуцирала преку 35 филмови. Негов прв филм како режисер бил „Таа мора да го има“ (She's Gotta Have It) (1986). Оттогаш напишал сценарио и режирал повеќе филмови како „Школски денови“ (School Daze) (1988), Постапувај исправно (1989), Уште подобар блуз (Mo' Better Blues) (1990), Треска во џунглата (Jungle Fever) (1991), Малком X (1992), Crooklyn (1994), Clockers ( 1995), 25-тиот час (2002), Човек Одвнатре (Inside Man) (2006), Chi-Raq (2015), Црн член на Кју Клукс Клан (2018) и Da 5 Bloods (2020). Ли исто така глумел во единаесет од неговите играни филмови. Со неговите филмови се пробиле и добиле позитивни критики глумци како Дензел Вашингтон, Лоренс Фишберн, Семјуел Л. Џексон, Џанкарло Еспосито, Рози Перес, Делрој Линдо и Џон Дејвид Вашингтон.
Неговите филмови Постапувај исправно, Малком X, 4 девојчиња (4 Little Girls) и Таа мора да го има (She's Gotta Have It) биле избрани од Конгресната библиотека за зачувување во Националниот филмски регистар поради тоа што се „културно, историски или естетски значајни“.
Личен живот Шелтон Џексон Ли е роден во Атланта, Џорџија, син на Жаклин Керол, учителка по уметност, и Вилијам Џејмс Едвард Ли III, џез-музичар и композитор. Ли има три помали браќа и сестри, Џои, Дејвид и Синке, и сите тие работеле на филмовите на Ли. Кога бил дете, неговото семејство се преселило од Атланта во Бруклин, Њујорк. Мајка му во детството му го дала прекарот „Спајк“. Завршил средно училиште во Бруклин.
Дипломирал на Тиш школата за уметност при Универзитетот во Њујорк.
Наводи
Надворешни врски
Spike Lee on Charlie Rose Spike Lee collected news and commentary at The New York Times Spike Lee collected news and commentary at The Guardian
Ubben Lecture at DePauw University Criterion Collection Essay on Spike Lee's Do the Right Thing Lee's Lens Exposes Inequalities, but he's no Revolutionary by Brendan Kelly, Canwest, April 11, 2009 Interview with Politico Magazine February 7, 2019
Категорија:Живи луѓе Категорија:Членови на Американската академија на уметностите и науките Категорија:Американски филмски продуценти Категорија:Родени во 1957 година Категорија:Американски сценаристи Категорија:Американски филмски режисери Категорија:Добитници на ЕМИ награди Категорија:Афроамерикански глумци Категорија:Добитници на БАФТА награди Категорија:Добитници на Оскар за најдобро адаптирано сценарио Категорија:Американски режисери на музички спотови Категорија:Американски режисери на документарни филмови Категорија:Афроамерикански сценаристи Категорија:Афроамерикански режисери