Thomas Stewart Traill, nado en Kirkwall, capital das illas Órcadas, (Escocia) o 29 de outubro de 1781 e finado en Edimburgo o 30 de xullo de 1862, foi un físico, químico, mineraloxista, meteorólogo, zoólogo e profesor de medicina legal escocés.
Traxectoria Estudou medicina na Universidade de Edimburgo, disciplina na que se doutorou en 1802.Waterston, Charles D. e Macmillan Shearer, A. (2006): Former Fellows of the Royal Society of Edinburgh 1783-2002: Biographical Index. Vol 2. Edinburgh: The Royal Society of Edinburgh. ISBN 978-0-902198-84-5. Practicou o exercicio da medicina durante 30 anos en Liverpool, onde foi un dos fundadores da Royal Institution of Liverpool, a Liverpool Mechanics' Institution e a Literary and Philosophical Society of Liverpool.
Fíxose moi coñecido como explorador do Ártico acompañando a William Scoresby nas súas viaxes, e a el se debe unha lista de animais observados nas costas orientais de Groenlandia publicada no Journal of a Voyage to the Northern Whale Fishery de Scoresby (1823). Scoresby bautizou a illa de Traill, en Groenlandia, na súa honra.
Cando John James Audubon chegou a Liverpool en xullo de 1826, Traill axudouno a encontrar un editor para a súa obra The Birds of America. Audubon denominou como Taill's flycatcher, a unha especie que se corresponde coas actuais Empidonax traillii e Empidonax alnorum.
Traill volveu á universidade de Edimburgo en 1833 como profesor de medicina legal. Foi editor da 8ª edición da Encyclopædia Britannica (1852–61), que concluíu un ano antes da súa morte.
Faleceu en Edimburgo o 30 de xullo de 1862, e está soterrado no cemiterio de St Cuthbert's.
Abreviatura A abreviatura Traill emprégase para recoñecer a como autoridade na descrición e taxonomía en zooloxía.
Notas
Categoría:Zoólogos do Reino Unido Categoría:Científicos de Escocia Categoría:Nados en Escocia Categoría:Nados en 1781 Categoría:Finados en 1862 Categoría:Físicos de Escocia