El Fin del Siglo foi un periódico editado en Santiago de Compostela de 1891 a 1892.
Historia e características Subtitulado Periódico de intereses materiales, apareceu o 11 de marzo de 1891. Nun principio foi bisemanal (saía os mércores e sábados) e a partir do 8 de agosto de 1891 (número 42) pasou a ser semanal. Dirixido por Andrés Rey Varela, imprimiuse nos obradoiros tipográficos de Diéguez e Otero. Publicación de tendencia conservadora, incluíu información xeral, crónicas locais e documentos históricos. Os días 22 e 23 de maio de 1891 dedicoulle senllos suplementos a Rosalía de Castro, co gallo do traslado dos seus restos mortais ao panteón de San Domingos de Bonaval. Entre os seus colaboradores figuraron Jesús Barreiro Costoya, Carmen Beceiro, Eduardo Pato Martínez e Luis Bouza Trillo. Cesou a súa edición ao redor de decembro de 1892.
Véxase tamén Bibliografía
Outros artigos Lista de publicacións impresas da provincia da Coruña
Categoría:Prensa escrita de Santiago de Compostela Categoría:1891 en Galicia