Raimundo López Pol, nado en Santiago de Compostela en 1877 e finado na mesma cidade o 19 de setembro de 1958,La Noche, 20-9-1958, p. 2. foi un comerciante e político galego.
Traxectoria Figura da artesanía compostelá, foi escultor na súa xuventude. Dedicouse ao comercio. Foi presidente do Centro Republicano compostelán durante a monarquía e concelleiro de Santiago de Compostela dende 1911. Foi elixido alcalde de Santiago de Compostela nas eleccións municipais de abril de 1931. Militante da ORGA, en xullo de 1932 convocou unha asemblea de municipios de toda Galicia para a elaboración do proxecto de Estatuto de Galicia (1932). Foi cesado como alcalde en novembro de 1934.El Eco de Santiago, 19-11-1934, p. 1. Foi un dos fundadores do Partido Nacional Republicano do que foi elixido presidente do comité local de Santiago de Compostela en maio de 1935.El Compostelano, 10-5-1935, p. 2. Nas eleccións de febreiro de 1936 concorreu na Candidatura Republicana de Centro e Coalición que encabezaba Manuel Iglesias Corral pero non foi elixido. Logo do golpe de Estado do 18 de xullo de 1936 sufriu multas e foi desterrado. Permaneceu tres anos en Cuba, retornando a Santiago de Compostela en xullo de 1939.El Compostelano, 24-7-1939, p. 2. Xulgado o 8 de febreiro de 1940, foi condenado a seis meses de inhabilitación e sancionado cunha multa de 25.000 pesetas.
Vida persoal Casou en 1900 con Concepción Garabal Sánchez,Gaceta de Galicia, 16-5-1900, p. 2. que finou en 1928,El Compostelano, 27-4-1928, p. 2. e foi pai de Mercedes, Santiago, Manuel (destacado pintor) e Concepción López Garabal.
Notas
Categoría:Alcaldes de Santiago de Compostela Categoría:Alcaldes de Galicia durante a II República Categoría:Galegos de Cuba Categoría:Nados en Santiago de Compostela Categoría:Nados en 1877 Categoría:Finados en 1958 Categoría:Personalidades de Galicia sen imaxes