TresCtres Editores (3C3), é un selo editorial que naceu en marzo de 2001 en Santa Comba e Santiago de Compostela. Os promotores foron os irmáns Pichel López, empresarios do sector das artes gráficas e a dirección editorial estivo compartida por X. Amancio Liñares Giraut e Antonio Puentes Chao, catedráticos no ensino secundario e escritores.
Entre os seus obxectivos estaba o de contribuír a impulsar a cultura e as letras galegas. Crearon varias coleccións nun amplo abano de xéneros e disciplinas: literatura, ensaio, economía, letras galegas, mundo agrario, biografías, libro infantil e xuvenil, música, ecoloxía, teatro, saúde...
Ata fins de 2012 a editorial publicou un total de cento cinco volumes.
Notas
Categoría:Editoriais de Galicia