María de los Ángeles García García, nada en Belmonte en 1982, máis coñecida como Boticaria García ou Marián García, é unha farmacéutica, dietista-nutricionista, óptica-optometrista, divulgadora científica e docente española.

Traxectoria García naceu na localidade conquense de Belmonte en 1982. Doutorouse en Farmacia pola Universidade Complutense de Madrid e graduouse en Nutrición Humana e Dietética e en Óptica e Optometría. Exerceu como farmacéutica rural durante sete anos, até 2013, nunha oficina de farmacia de Villaescusa de Haro. Entre 2013 e 2018, fíxoo noutra de Mejorada del Campo. Desde ese momento, pasou a dedicarse de maneira exclusiva á divulgación e á docencia.

En 2011 creou o seu primeiro blog, Mi gremlin no me come. Máis tarde, creou o blog boticariagarcia.com, desde o que buscaba resolver as dúbidas frecuentes sobre saúde e nutrición do público xeral. Converteuse en profesora do grao de Nutrición e Dietética e do máster en Divulgación Científica, ambos os dous na Universidade Isabel I. É cofundadora, xunto con Javier Butragueño, de Cuerpos Serranos, unha comunidade na que miles de mulleres adestran a súa forza e melloran a súa saúde a través de programas de exercicios en liña para facer na casa deseñados con base científica.

García publicou catro libros, sendo os tres primeiros El jamón de york no existe, El paciente impaciente y El moco radioactivo. Durante a pandemia de COVID-19, publicou xunto á xornalista Arantxa Castaño o libro dixital 123 preguntas coronavirus.

Como divulgadora, participou tamén como colaboradora habitual en diferentes medios de comunicación, como RNE, o diario español El Mundo ou programas de televisión como Zapeando, La sexta noche ou Órbita Laika. Tamén impartiu palestras e obradoiros para diferentes institucións. García dirixiu a serie de pódcast Más de un millón de voces para autocuidarnos da Asociación para o Autocoidado da Saúde, a Sociedade Española de Médicos Xerais e de Familia, o Consello Xeral de Enfermaría e o da Psicoloxía de España así como a Asociación Madrileña de COVID Persistente.

Recoñecementos En 2015 foi pregoeira das festas de Belmonte, a súa localidade natal, e ao ano seguinte en Villaescusa de Haro, onde exerceu como farmacéutica nos inicios da súa carreira.

Polo seu blog boticariagarcia.com logrou dous galardóns na X Edición dos Premios 20Blogs, sendo nomeado o mellor blog de saúde e vida sa e o mellor blog de 2015. En 2016 converteuse en académica correspondente da Academia de Farmacia Santa María de España da Rexión de Murcia.

En 2018, recibiu o premio ACES, da Asociación de Cadeas Españolas de Supermercados, na categoría Mellor Labor en Redes Sociais. Ese mesmo ano, recibiu o premio eHealth Awards 2018 á «Cazabulos do ano» durante o III Congreso Nacional de eSalud da Asociación de Investigadores en eSalud AIES e a axencia de comunicación COM Saúde.

En 2019 foi condecorada co premio La Carabela La Pinta na súa categoría de ouro, a máxima distinción do Colexio de Farmacéuticos de Huelva, polo seu papel na divulgación científica nas redes sociais. Ese mesmo ano foi nomeada gañadora do Premio Sentidos 2019, entregado por Sakata Seed Ibérica, que recoñece o labor divulgador e a proxección nos medios de comunicación da gastronomía saudable.

En 2020, o Ministerio de Consumo e a Axencia Española de Seguridade Alimentaria e Nutrición concedéronlle o Premio Estratexia NAVES de especial recoñecemento pola súa contribución á divulgación de hábitos saudables. Ese mesmo ano gañou o Premio Novo 2020 D.O. A Mancha no apartado de Comunicación.

En 2021, foi premiada durante a quinta edición dos premios Cubí, outorgados pola Federación de Cociñeiros e Reposteros de España (Facyre), en recoñecemento ao seu labor divulgando a gastronomía e a ciencia. Ese mesmo ano, obtivo por parte do Goberno de Castela-A Mancha o premio Imprescindibles que se outorga no marco do Día Internacional da Muller. Ao ano seguinte foi recoñecida, na categoría de Farmacia, durante a primeira edición dos Dosfarma Woman Awards, un certame que busca recoñecer a mulleres no campo da saúde e o benestar e no que tamén foron premiadas outras divulgadoras como Noemí Casquet, Laura Cámara ou Lucía Galán. Tamén en 2022 foi nomeada Filla Predilecta de Castela-A Mancha.

En 2023, durante a gala de Premios Creadores, de 20minutos, García foi recoñecida co Premio Especial ao Talento. Ese mesmo ano, a Sociedade Española de Obesidade (SEEDO) realizou unha mención especial de García pola súa traxectoria en divulgación de información sobre obesidade e as súas complicacións durante a I edición do 'Premio á Comunicación en Obesidade: facendo visible a enfermidade 'invisible''. Ademais, durante a celebración do Día Mundial do Ovo 2023, o Instituto de Estudos do Ovo entregoulle a García o seu Galardón de Ouro polo seu labor na divulgación da nutrición. O proxecto de pódcast Máis dun millón de voces para autocuidarnos que García dirixiu foi recoñecido na categoría Empoderamiento Dixital do paciente da III edición de Premios Ennova Health 2023 organizados polr El Diario Médico y Correo Farmacéutico.

Libros

El paciente impaciente: y otras anécdotas de la Boticaria García (2015). Editorial La Esfera de los Libros. 328 p. ISBN 978-8490602973. El moco radiactivo: y otros desvelos de padres primerizos (2017). Editorial La Esfera de los Libros. 208 p. ISBN 978-8490609484. El jamón de York no existe: La guía para comprar saludable y descubrir los secretos del supermercado (2019). Editorial La Esfera de los Libros. 256 p. ISBN 978-8491645931. Radiografía de un cosmético (2022). Robinbook. 265 p. ISBN 978-8409400713. Tu cerebro tiene hambre: 5 grandes cambios que te ayudarán a perder grasa y ganar salud (2024). Barcelona: Editorial Planeta. 352 p. ISBN 978-8408282334. Mujeres de hierro (2026). Co dr. Javier Butragueño. Barcelona: Planeta. 422 páxs. ISBN 9788408320715.

Traxectoria televisiva

Programas de televisión AnoProgramaCadenaNotas2019-2020; 2022-2023Órbita LaikaLa 2Colaboradora2019-presenteZapeandoLa Sexta2019Espejo públicoAntena 3Invitada2020-2021La hora de La 1La 1Colaboradora2020-2022La Sexta nocheLa Sexta2020-2023Espejo públicoAntena 32021Family Feud: La batalla de los famososConcursante2022-presenteLaSexta XplicaLa SextaColaboradora2022-2024PasapalabraAntena 3Invitada2023-presenteY ahora SonsolesColaboradora

Notas

Categoría:Alumnos da Universidade Complutense de Madrid Categoría:Nados en Belmonte, Cuenca Categoría:Nados en 1982 Categoría:Presentadores de televisión Categoría:Farmacéuticos de España