Jesús Longueira Díaz, nado na Coruña en 1883 ou 1884 e finado na mesma cidade o 29 de maio de 1908, foi un escritor, pianista e deportista galego.
Traxectoria Naceu na Coruña, sendo un dos tres fillos do concelleiro e axente de Aduanas do Porto da Coruña José Longueira Doldán e da súa esposa, Filomena Díaz Sanjurjo. Seus irmáns eran José e Tomás Longueira Díaz. Estudou Dereito na Universidade de Santiago de Compostela e en 1904 estreouse nesa cidade unha obra de teatro da súa creación, en forma de diálogo, titulada Mercedes. No seu período universitario estudou esperanto e tocou o piano, e presidiu a Sociedade Filharmónica Universitaria de Compostela.
Asiduo á Sala Calvet, vogou co equipo do ximnasio en varias regatas de remo, xunto ao seu irmán José, e en 1906 gañou co Club Náutico da Sala Calvet a Copa de Liga de Amigos.
Faleceu na Coruña o 29 de maio de 1908, con só 24 anos de idade, despois dun tempo enfermo.
Obra Mercedes (1904) La vesina (1906). O xudío errante (1908).
Notas
Véxase tamén Bibliografía
Categoría:Nados na Coruña Categoría:Nados en ano descoñecido Categoría:Nados no século XIX Categoría:Remeiros de Galicia Categoría:Escritores de Galicia Categoría:Pianistas de Galicia Categoría:Finados en 1908 Categoría:Escritores en lingua galega