La Sobarriba é unha comarca tradicional da provincia de León, comunidade autónoma de Castela e León, España. Está formada polos concellos de Valdefresno, Villaturiel e parte do concello de Vegas del Condado. A comarca está a escasos quilómetros da capital leonesa. Está situada a unha altitude media de 830 metros sobre o nivel do mar.
Na comarca de La Sobarriba, a paisaxe é o típico dun páramo con suaves cerros, situada entre o río Porma, e os ríos Torío e Bernesga. Desta situación xeográfica toma o nome a comarca: “Supra Ripa”, “sobre os ríos”. Historicamente o termo vincúlase á Irmandade de La Sobarriba, un daqueles movementos populares nados para a defensa dos máis débiles núcleos rurais fronte aos cabidos urbanos.
Poboacións
Os concellos de Valdefresno, Villaturiel e Vegas del Condado están compostos coas seguintes localidades:
Concello de Valdefresno con 20 vilas: Arcahueja; Carbajosa; Corbillos de la Sobarriba; Golpejar de la Sobarriba; Navafría; Paradilla de la Sobarriba; Sanfelismo; Santa Olaja de Porma; Santibáñez de Porma; Santovenia del Monte; Solanilla; Tendal; Valdefresno; Valdelafuente; Villacete; Villacil; Villafeliz de la Sobarriba; Villalboñe; Villaseca de la Sobarriba; Villavente. Concello de Vegas del Condado con 5 vilas: Castro del Condado; Represa del Condado; Santa María del Condado; Secos del Condado; Villamayor del Condado. Concello de Villaturiel con 12 vilas: Alija de la Ribera; Castrillo de la Ribera; Mancilleros; Marne; Marialba de la Ribera; Roderos; San Justo de las Regueras; Santa Olaja de la Ribera; Valdesogo de Abajo; Valdesogo de Arriba; Villaturiel; Toldanos.
Notas
Categoría:Comarcas da provincia de León Categoría:Xeografía da provincia de León