Jaylah Ji'mya Hickmon, nada o 14 de agosto de 1998, coñecida profesionalmente como Doechii, é unha rapeira, cantante e compositora estadounidense. Deuse a coñecer por primeira vez en TikTok, o que a levou a asinar contrato con Top Dawg Entertainment e Capitol Records en 2022. A súa canción de 2023 "What It Is (Block Boy)", na que participa tamén Kodak Black, supuxo a súa primeira entrada no Billboard Hot 100 e recibiu unha certificación de platino da Recording Industry Association of America (RIAA). Ese mesmo ano, debutou como actriz coa película dramática Earth Mama.
O terceiro álbum de Doechii, Alligator Bites Never Heal (2024), alcanzou o top 10 da Billboard 200 e foi aclamado pola crítica. Gañou o premio Grammy ao mellor álbum de rap na 67.ª edición dos Premios Grammy, converténdose na terceira artista feminina en gañar nesa categoría. O seu sinxelo de 2025 "Anxiety" converteuse na súa primeira canción en debutar entre as 20 mellores da lista Billboard Hot 100 e na primeira en chegar ao top 10.
Discografía Álbums de estudio Coven Music Sessions, Vol. 1 (2019) Oh the places you'll go (2020) Alligator Bites Never Heal (2024)
Filmografía Cinema AnoTítuloPersonaxe 2023 Earth Mama Trina
Televisión AnoTítuloRol2025 RuPaul's Drag Race Ela mesma Tempada 17, episodio 2; xurado (convidada)
Notas
Véxase tamén
Categoría:Nados en 1998 Categoría:Nados en Tampa Categoría:Rapeiros dos Estados Unidos de América Categoría:Cantantes de Florida