miniatura|Tropas francesas atacadas pola compañía libre Tard-Venus durante a batalla de Brignais de 1362. Unha compañía libre, tamén chamada gran compañía (en francés, grande compagnie, e en inglés, free company), eran exércitos de mercenarios recrutados por empresarios privados durante as guerras entre os séculos XII e XIV. Actuaban independentemente dos gobernos e, polo tanto, eran "libres". Habitualmente gañábanse a vida co saqueo cando non estaban empregados; en Francia chamábanse routiers e écorcheurs e operaban fóra da lei de armas.
O termo "compañía libre" aplícase con máis frecuencia a aquelas compañías de soldados que se formaron despois da Paz de Brétigny durante a Guerra dos Cen Anos e que estiveron activas principalmente en Francia, pero aplicouse a outras compañías, como a Compañía Catalá e compañías que operaban noutros lugares, como en Italia ou no Sacro Imperio Romano Xermánico.
As compañías libres foron citadas como un factor tan forte como a Peste Negra ou a fame no declive de Siena a un poder de segunda categoría durante o século XIV; Siena gastou 291.379 floríns entre 1342 e 1399 comprando compañías libres. A Compañía Branca de John Hawkwood estivo activa en Italia na segunda metade do século XIV.
Notas
Categoría:Mercenarios Categoría:Terminoloxía militar