Among the Living é o terceiro álbum de estudio da banda estadounidense de heavy metal Anthrax, publicado o 16 de marzo de 1987 a través do selo Megaforce Records nos Estados Unidos e de Island Records no resto do mundo. O álbum está dedicado a Cliff Burton de Metallica, que morreu nun accidente de autobús seis meses antes do seu lanzamento cando Metallica estaba de xira con Anthrax como abreconcertos.
O veterano enxeñeiro Eddie Kramer, na súa primeira aventura cun grupo de thrash metal, coproduciu o álbum. A gravación transcorreu sen problemas, pero as diferentes visións sobre o son do lanzamento final crearon desacordos entre Anthrax e o produtor durante a mestura do disco.
Os membros de Anthrax describiron o álbum como o seu gran descubrimento, xa que marcou a progresión da banda tocando en pequenos clubs a tocar en grandes estadios. O álbum foi aclamado pola crítica e promoveu a banda entre os "Big Four" do thrash metal. Among the Living foi certificado ouro pola RIAA o 31 de xullo de 1990, endo o segundo disco da banda en conseguir este fito.
Listaxe de cancións
Notas
Categoría:Álbums de Anthrax Categoría:Álbums musicais de 1987 Categoría:Álbums producidos por Eddie Kramer Categoría:Álbums de Megaforce Records Categoría:Álbums de Island Records