Evge (título orixinal en tártaro de Crimea; en ; Додому) é un filme ucraíno de 2019 dirixido por Nariman Aliev. Estreouse na sección Un Certain Regard do Festival Internacional de Cinema de Cannes de 2019. Foi escollido como candidato de Ucraína para o Óscar ó mellor filme internacional na 92ª edición dos premios, mais finalmente non foi nomeado.
Sinopse Os tártaros de Crimea Mustafá e o seu fillo Alim distáncianse tras recoller o corpo do fillo máis vello, Nazim, vítima na fronte da guerra ruso-ucraína. A historia da familia, desprazada polo goberno, obriga a Mustafá a unha viaxe de mil quilómetros para chorar e enterrar ao seu fillo segundo a tradición islámica de Crimea. A historia comeza cos dous personaxes na morgue e continúa cunha viaxe por estrada nun Jeep Cherokee dende Kíiv ata a volátil península de Crimea. O Jeep queda danado nunha cuneta e levan o vehículo á tenda de automóbiles máis próxima. Alí, Alim coñece á neta do mecánico, unha moza ucraína que o convence de que vaia ao río e perde a carteira ante un grupo de rapaces da localidade. Alim e Mustafa achéganse a medida que viaxan e recuperan as súas posesións perdidas. A enfermidade de Mustafa tamén se revela e empeora cando o pai e o fillo chegan á casa do tío Vasya. A casa non está lonxe da patria orixinal da familia, e Mustafá convence ao tío Vasya para que lle dea prestado un bote de remos para completar o segmento restante do seu paso.
Personaxes Akhtem Seitablaev como Mustafa Remzi Bilyalov como Alim Dariya Barikhashvili como Olesya
Acollida Collider e The Guardian nomearon o filme nas listas das mellores obras do cinema ucraíno.
Notas
Véxase tamén Outros artigos Filmes de Ucraína propostos ó Óscar ó mellor filme internacional Filmes propostos ó mellor filme internacional na 92ª edición dos Óscar
Categoría:Filmes de 2019 Categoría:Filmes en lingua ucraína Categoría:Filmes en lingua tártara de Crimea Categoría:Filmes de Ucraína Categoría:Filmes ambientados en Crimea