Medio dólar150x150px150x150pxA/: Monumento aos irmáns Wright en Kill Devil Hills. Lendas: LIBERTY / IN GOD WE TRUST / WRIGHT MONUMENTR/: O Wright Flyer (1903) durante o seu primeiro voo. Lendas: UNITED STATES OF AMERICA / E PLURUBUS UNUM / HALF DOLLAR. Datas: 2003. Cecas e marcas: Filadelfia (P) Tiraxe: 166.832 exemplares. Deseño: John Mercanti (A/) e Norman E. Nemeth (R/). Gravado: John Mercanti (A/) e Donna Weaver. Aliaxe: núcleo de cobre (Cu 100 %), forro de cuproníquel (Cu 91,67 % e Ni 8,33 %). Diámetro: 30,61 mm. Peso: 11,34 g. Canto: estriado.

As moedas conmemorativas do centenario do primeiro voo son unha serie numismática conmemorativa, non circulante, emitida pola Casa da Moeda dos Estados Unidos en 2003 e cuñada polas Cecas de Filadelfia e de West Point.

Esta serie foi autorizada pola Lei 105-193, do 14 de xullo de 1998,"Public Law 105-193 - JULY 14, 1998". Govinfo.gov pola que se dispuxo a emisión de tres moedas conmemorativas en lembranza do histórico voo de Orville e Wilbur Wright en Kitty Hawlk, Carolina do Norte, no seu centésimo aniversario."First Flight Centennial Commemorative Coins". United States Mint.

A serie está composta por unha moeda de medio dólar bañada en cuproníquel, un dólar de prata e unha moeda de ouro de dez dólares, que estiveron dispoñibles para a súa adquisición entre o 1 de agosto de 2003 e o 31 de xullo de 2004."First Flight Centennial Commemorative Coins On Sale August 1". United States Mint. A lei que autorizaba a emisión prevía unhas tiraxes máximas de 750.000 exemplares para a moeda de medio dólar, 500.000 para a dun dólar e 100.000 para a moeda de 10 dólares.

Unha parte dos ingresos orixinados pola comercialización desta serie foi destinada á First Flight Foundation, co fin de preparar, renovar e manter o Wright Brothers National Memorial Park, en Kill Devil Hills, Carolina do Norte.

Moedas

Medio dólar esquerda|miniatura|260x260px|"O primeiro voo", fotografía de 1903 reproducida no reverso da moeda de medio dólar.

O medio dólar cuñouse na Casa da Moeda de Filadelfia, coa composición dun núcleo de cobre revestido de cuproníquel habitual nas moedas circulantes estadounidenses deste valor facial."First in Flight Centennial Commemorative Clad Half Dollar Coin". United States Mint."½ Dollar First Flight Centennial". Numista.com

No seu anverso, deseñado e gravado por John M. Mercanti, reprodúcese o monumento aos irmáns Wright situado en Kill Devil Hill, preto de Kitty Hawk, en Carolina do Norte, xunto cos lemas LIBERTY e IN GOD WE TRUST, habituais das moedas estadounidenses, a lenda WRIGHT MONUMENT, a data da emisión e a marca de gravador de John Mercanti, conformada polo monograma JM.

Pola súa banda, o reverso, deseñado por Norman E. Nemeth e gravado por Donna Weaver, é unha recreación da coñecida fotografía titulada "O primeiro voo", na que se pode ver o Wright Flyer dos irmáns Wright, de 1903, realizando o histórico primeiro voo tripulado, pilotado por Orville Wright, en tanto que Wilbur observa desde o chan. Completan o reverso as lendas UNITED STATES OF AMERICA / E PLURIBUS UNUM HALF DOLLAR, así como a marca de ceca de Filadelfia e as marcas de gravador.

Cuñáronse 166.832 exemplares desta moeda, deles 57.122 con acabamento estándar e 109.710 con acabamento especial proof —fondo espello e relevo mate—, o que supón unha das tiraxes máis baixas para unha moeda de medio dólar."Historical Commemorative Coin Sales Figures: 2003 First Flight Centennial". United States Mint. O prezo de venda da versión estándar foi de 10,75 dólares e o da versión proof de 13,50 dólares.

Un dólar Un dólar180x180px180x180pxA/: Retrato dos irmáns Wright. Lendas: LIBERTY / IN GOD WE TRUST / 1903 / 2003 / ORVILLE & WILBUR WRIGHTR/: O Wright Flyer (1903) sobrevoando unhas dunas. Lendas: ONE DOLLAR / E PLURIBUS UNUM / UNITED STATES OF AMERICA Datas: 2003. Cecas e marcas: Filadelfia (P). Tiraxe: 243.773 exemplares. Gravado: T. James Ferrell (A/) e Norman E. Nemeth (R/). Aliaxe: prata (900 milésimas). Diámetro: 38,10 mm. Peso: 26,73 g. Canto: estriado.

esquerda|miniatura|200x200px|Orville Wright (1905). A moeda dun dólar cuñouse tamén na Casa da Moeda de Filadelfia, nunha aliaxe dcomposta polo 90 % de prata e o 10 % de cobre, habitual nas moedas conmemorativas dos Estados Unidos con este valor facial."First Flight Centennial Commemorative Silver Dollar Coin". United States Mint."1 Dollar First Flight Centennial". United States Mint.

No seu anverso, deseñado e gravado polo gravador da US Mint Thomas James Ferrel, reprodúcense os bustos acaroados dos irmáns Orville e Wilbur Bright ollando cara á esquerda, baseados no deseño clásico de George T. Morgan utilizado por primeira vez na medalla do Congreso concedida a Orville e Wilbur Wright o 4 de marzo de 1909."Wright Brothers 'Medal of Congress' ". Museum of Applied Arts & Sciences. Inclúense ademais os lemas LIBERTY e IN GOD WE TRUST, a lenda ORVILLE & WILBUR WRIGHT e a dobre data que alude ao centenario conmemorado e á data de emisión: 1903 - 2003. No ombreiro de Wilbur Wright apréciase tamén a marca de gravador de James Ferell (TJF).

Pola súa banda, o reverso, deseñado e gravado por Norman E. Nemeth, é unha imaxe do avión Wright Flyer en voo sobre as dunas de Kill Devil Hill. Completan o reverso as lendas ONE DOLLAR / E PLURUBUS UNUM / UNITED STATES OF AMERICA, así como a marca de ceca correspondente á Casa da Moeda de Filadelfia (P) e a marca de gravador de Norman Nemeth (NEN).

Cuñáronse 243.773 exemplares desta moeda, deles 53.533 con acabamento estándar e 190.240 con acabamento especial proof, o que supón unha das tiraxes máis baixas para unha moeda de medio dólar."Historical Commemorative Coin Sales Figures: 2003 First Flight Centennial". United States Mint. O prezo de venda da versión estándar foi de 33 dólares e o da versión proof de 37 dólares.

10 dólares Dez dólares135x135px135x135pxA/: Retrato dos irmáns Wright. Lendas: LIBERTY / IN GOD WE TRUST / 1903 / 2003 / ORVILLE & WILBUR WRIGHT / FIRST FLIGHT CENTENNIALR/: O Wright Flyer (1903) sobrevoado por unha aguia. Lendas: UNITED STATES OF AMERICA / E PLURIBUS UNUM / TEN DOLLARS Datas: 2003. Cecas e marcas: West Poin (W). Tiraxe: 31.685 exemplares. Deseño e gravado: Donna Weaver. Aliaxe: ouro (900 milésimas). Diámetro: 27,00 mm. Peso: 16,71 g. Canto: estriado. esquerda|miniatura|200x200px|Wilbur Wright De xeito diferente ás outras dúas moedas desta serie, a moeda de dez dólares foi producida na Casa da Moeda de West Point, en ouro de 900 milésimas."First in Flight Centennial Commemorative $10 Gold Coin". United States Mint."10 Dollars First Flight Centennial". Numista.com

No seu anverso, deseñado e gravado por Donna Weaver, reprodúcense os bustos de fronte de Orville e Wilbur Bright, xunto cos lemas LIBERTY e IN GOD WE TRUST, as datas da conmemoración 1903 / 2003 e as lendas alusivas a ela, ORVILLE & WILBUR WRIGHT e FIRST FLIGHT CENTENNIAL. No ombreiro de Wilbur Wright apréciase tamén a marca de gravadora de Donna Weaver (DW).

No relativo ao reverso, deseñado e gravado por Norman E. Nemeth, nel reprodúcese como motivo principal o avión Wright Flyer dos irmáns Wright en voo e cunha aguia sobrevoándoo. Completan o reverso o nome do país, o lema E PLURUBUS UNUM e a alusión ao valor facial da moeda, así como a marca de ceca correspondente á Casa da Moeda de West Point (W) e a marca de gravadora de Donna Weaver (DW).

Cuñáronse 31.685 exemplares desta moeda, deles 10.009 con acabamento estándar e 21.676 con acabamento especial proof —fondo espello e relevo mate—. O prezo de venda da versión estándar foi de 365 dólares e o da versión proof de 375 dólares.

Notas

Véxase tamén

Outros artigos

Moedas do dólar estadounidense

Casa da Moeda dos Estados Unidos

Ligazóns externas

"2003 First Flight Half Dollar" (ModernCommemoratives.com) "2003 First Flight Silver Dollar" (ModernCommemoratives.com) "2003 First Flight $10 Gold" (ModernCommemoratives.com)

Categoría:Moedas do dólar estadounidense Categoría:Moedas conmemorativas dos Estados Unidos de América Categoría:Irmáns Wright