Enrique Martín Navarro, coñecido como Quique, nado en Valladolid o 3 de xuño de 1924 e finado en Valencia o 12 de abril de 2016, foi un futbolista español.
Traxectoria Nado en Valladolid, seu pai era Garda Civil e desapareceu nunha revolta en Sevilla, non volvendo saber nada máis del. Súa nai, catalá, tiña familia en Castelló, cidade á que foron vivir.
Comezou a xogar ao fútbol no colexio onde estivo internado, os Salesianos de Valencia, para despois pasar ao Sindicato Español Universitario (SEU) de Castelló. Despois da guerra civil, con 15 anos, ingresou no Villarreal CF, e aos 17 fichou polo CD Castellón. Inicialmente xogaba como centrocampista, pero durante a tempada 1942/43 foi convocado polo primeiro equipo para xogar como porteiro, xa que os seus dous porteiros titulares estaban lesionados, posto no que continuou o resto da súa carreira. En xullo de 1943 trasladouse ao Barcelona para fichar polo Espanyol, pero non chegou a un acordo e finalmente foi fichado polo FC Barcelona. Defendeu a camiseta do Barcelona durante sete tempadas, nas que foi case sempre suplente de homes como Velasco ou Ramallets. Gañou tres ligas e unha Copa Latina, sendo a tempada 1944/45 na que máis partidos disputou, un total de 13. En 1950 marchou ao Valencia CF, onde tomou o relevo de Ignacio Eizaguirre. Defendeu a portería valenciana ata a tempada 1956/57, gañando unha Copa do Xeneralísimo en 1954, con Quincoces como adestrador. Rematou a súa carreira xogando co Levante na Segunda División.
Unha vez retirado traballou como adestrador, dirixindo principalmente clubs valencianos . Comezou dirixindo o Alcoyano onde aínda disputou dous partidos como futbolista na tempada 1958/59. Despois adestrou ao Levante UE e ao Real Oviedo en Primeira División, e ao CE Constància e UE Lleida en Segunda, entre outros equipos.
Palmarés
Notas
Véxase tamén
Ligazóns externas Datos do xogador en BDFutbol . Datos do adestrador en BDFutbol .
Categoría:Nados en Valladolid Categoría:Nados en 1924 Categoría:Finados en 2016 Categoría:Futbolistas de Castela e León Categoría:Gardametas de fútbol Categoría:Xogadores do CD Castellón Categoría:Xogadores do FC Barcelona Categoría:Xogadores do Valencia CF Categoría:Xogadores do Levante UD Categoría:Xogadores do CD Alcoyano Categoría:Adestradores de fútbol de España Categoría:Adestradores do CD Alcoyano Categoría:Adestradores do Levante UD Categoría:Adestradores do Real Oviedo Categoría:Adestradores do UE Lleida Categoría:Adestradores da UD Alzira