Amador García Coco, nado en El Pego (Zamora) cara a 1906 e finado en Vigo o 25 de outubro de 1940, foi un guerrilleiro antifranquista.
Traxectoria Zapateiro e veciño de Lavadores. Co golpe de Estado do 18 de xullo de 1936 fuxiu. O seu irmán Juan de la Cruz García Coco foi asasinado polos franquistas na praia de Alcabre o 22 de decembro de 1936. Foi detido en 1940 e procesado en xullo por rebelión militar na causa 357/40 do Xulgado Militar de Vigo con Guillermo Santos Caride e Manuel Rodríguez Fernández, acusados dun atraco na estrada da Ramallosa a Baiona.Requisitoria, El Pueblo Gallego, 16-6-1940, p. 2. Xulgado en consello de guerra, foi condenado a morte. Foi fusilado en Vigo o 25 de outubro de 1940.El Pueblo Gallego, 26-10-1940, p. 2. En agosto de 1941 abríronlle expediente de responsabilidades políticas.El Compostelano, 1-8-1941, p. 2. Vida persoal
Casou con Antonia Fuentes.
Notas
Categoría:Guerrilleiros antifranquistas Categoría:Asasinados polo bando nacional en Galicia
Categoría:Nados na provincia de Zamora
Categoría:Nados en 1906
Categoría:Finados en 1940 Categoría:Fusilados