L'Estartit é unha entidade municipal descentralizada situada na costa do concello catalán de Torroella de Montgrí, na provincia de Xirona. Ten 2.962 habitantes (2015). Atópase a aproximadamente un quilómetro do arquipélago das Illas Medes. É unha vila de verán, ten un porto e un club náutico (Club Nàutic Estartit) onde hai moitas actividades acuáticas como vela, submarinismo ou natación.
Historia As primeiras noticias de L'Estartit apareceron no século XVII, cando xa diminuíra a actividade da piratería turca e berberisca sobre as costas catalás, e ata mediados do século XX o seu desenvolvemento estivo vinculado á actividade marítima. O seu porto permitiu a saída por mar dos produtos do municipio, como o arroz, o viño e a augardente, con destino a grandes mercados como o de Barcelona. Máis recentemente xurdiu un movemento independentista para que L'Estartit sexa municipio independente, pero despois de longos procesos administrativos e xudiciais non prosperou.
Galería de imaxes
Véxase tamén Ligazóns externas Servizo turístico de l'Estartit Páxina oficial do concello de Torroella de Montgrí Webcam de l'Estartit Club de vela de L'Estartit
Categoría:Torroella de Montgrí Categoría:Entidades municipais descentralizadas de Cataluña