Maria Theresa Asmar, nada en Tel Keppe en 1804 e finada en Francia na década de 1860, foi unha escritora caldea do imperio Otomán. Foi coñecida en Europa como a Princesa Babilonia.
Traxectoria
De orixe cristiá caldea, estableceu unha escola feminina en Bagdad. Acolleu misioneiros no colexio, mais estes subornaron o goberno otomán para quedaren coa licenza do centro e para que prohibisen a María seguir co proxecto. Abandonou o proxecto frustrada e anoxada polo modo en que fora tratada polos cristiáns, buscou refuxio cos beduínos árabes. Recolleu información sobre a súa vida diaria, especialmente das vodas e dos asaltos a outras tribos. Escribiu Memoirs of a Babylonian Princess, publicado en inglés en 1844, dous volumes nos que narra as súas viaxes por Turquía, Siria, Líbano e Palestina, así como o sistema de haréns usado en Turquía. Maria Theresa Asmar morreu en Francia antes da guerra franco-prusiana Notas
Bibliografía
Memories of Maria Theresa Asmar An Iraqi Woman's Journey into Victorian London (2009), Emily Porter PhD (editor). Fadaat House for Publishing, Distributing and Printing, Amman, Jordan.
Categoría:Nados en 1804 Categoría:Finados en ano descoñecido Categoría:Escritores de Iraq Categoría:Nados en Iraq Categoría:Escritores en lingua árabe