Jean Pierre Droz, nado en La Chaux-de-Fonds, no cantón suízo de Neuchâtel, o 17 de abril de 1746, e finado en París o 2 de marzo de 1823, foi un medallista, deseñador de moeda e inventor de orixe suíza e nacionalizado francés."Droz, Jean-Pierre". En Forrer, L. (1904). Páxinas 618-628"Jean-Pierre Droz". En Jeanneret, F.; Bonhôte, J. (1863). Páxinas 265-269Molard, C. P. (1823).
É o pai do escultor Jules Antoine Droz (1804-1872)."Droz, Jules Antoine". En Forrer, L. (1904). Páxina 628
Traxectoria miniatura|esquerda|Proba en ouro dun escudo de prata francés de 60 soldos de 1786, a nome de Lois XVI, obra de Jean Pierre Droz.
Jean Pierre Droz era fillo de Daniel Droz, un fabricante de apeiros agrícolas, e de Suzanne Esther Brandt. Do seu pai aprendeu desde moi novo as primeiras nocións do traballo con metais, que complementou cos estudos de deseño e de gravado. Aos 18 anos, en 1764, marchou a París, onde cultivou os seus dotes como gravador."Droz, Jean-Pierre". En Forrer, L. (1904). Páxina 618.
Un dos seus primeiros traballos coñecidos é unha medalla de 1780 para conmemorar a alianza de Lois XVI co bispado de Basilea."Droz, Jean-Pierre". En Forrer, L. (1904). Páxina 619.
En 1786, o Ministerio de Finanzas francés encomendoulle gravar para Lois XVI un novo modelo de escudo de 60 soldos no marco da reforma monetaria emprendida polo ministro Charles Alexandre de Calonne (1734-1802). Porén, esta moeda non chegou a entrar en circulación e dela cuñáronse só uns poucos exemplares de proba.
En Inglaterra foi empregado durante dous anos do destacado industrial e home de negocios Matthew Boulton (1728-1809), quen requiriu dos seus servizos para mellorar a calidade das moedas privadas emitidas pola compañía Boulton and Watts na ceca de Soho, en Birmingham.Dick, M. et al. (2013). Matthew Boulton: Enterprising Industrialist of the Enlightenment. Páxina 134. ISBN 978-1-4094-2218-1 Alí encargouse ademais da cuñaxe de moeda de cobre para a circulación en Inglaterra e nas súas colonias. En 1789, Droz ideou un colar para a cuñaxe dos cantos das moedas e asegurar a súa forma circular que, malia non ser axeitado para un gran número de moedas, se mantivo en uso nos anos posteriores na Soho Mint.Tungate, S. "Droz's Collar. An Innovation in Minting ". Soho Mint. En Inglaterra foi escollido membro da Royal Birmingham Society of Artists e adquiriu unha grande notoriedade como gravador.Flynn, B. (2014). A Place for Art: The story of the Royal Birmingham Society of Artists. Royal Birmingham Society of Artists. Páxina 52. ISBN 978-0993029400
Entre outros traballos, en Birmingham encargouse así mesmo, en 1791, da cuñaxe dos monneron, gravados por Augustin Dupré (1748-1833), que se utilizaban en Francia durante a República.Torres, J. (2012). "Auge y caída de la acuñación a volante. Jean-Pierre Droz y Philippe Gengembre". En Revue Numismatique. Nº 168. Páxinas 319-362. A el débeselle tamén unha innovación que permitía multiplicar o número de cuñaxes realizadas con cada cuño, que foi aplicada tamén na impresión dos billetes coñecidos como assignats.Albigès, L-M. (2005). "De lìnflation à la terreur monétaire: Assignats de janvier 1792". En L'Histoire par l'image."The quest for the unforgeable document". En Hunnisett, B. (2018). Engraved on Steel. The History of Picture Production Using Steel Plates. Routledge. ISBN 978-1-138-31138-1
En 1799 regresou a París co cargo de conservador de moedas e medallas do Directorio. En 1802 foi ascendido a Administrador Xeral de Moedas e Medallas de Francia, na Monnaie de Paris, e dous anos máis tarde Napoleón nomeouno conservador do Museo da Casa de Moeda de París, cargo que exerceu ata 1814."Droz, Jean-Pierre". En Forrer, L. (1904). Páxina 621. miniatura|20 francos (1813) da serie Napoleón, segundo o deseño de Jean Pierre Droz En 1810 gañou nun concurso que lle permitiu encargarse dos deseños dunha nova serie de moeda circulante francesa, a partir do cal elaborou unhas pezas de proba da moeda de cinco francos de prata a nome de Napoleón I. Esta moeda, caracterizada polo busto do emperador nos seus anversos, é recoñecida como a súa obra máis significativa e dá comezo a unha serie monetaria con valores en ouro de ata 100 francos, baixo a denominación de Napoleón.
Recoñecementos
1802: Medalla de ouro da London Exhibition."Droz, Jean-Pierre". En Forrer, L. (1904). Páxina 621.
Marcas de artista de Jean Pierre Droz Nas moedas e medallas da súa responsabilidade, Droz gravou a modo de sinatura algunha das seguintes abreviaturas:
DROZ DR.F. D.F. J.P.D. J.D. DROZ F. J.P.DROZ F.
Notas
Véxase tamén
Bibliografía
Forrer, L. (1904). Biographical Dictionary of Medallists. Vol. 1. Spink & Son. Londres. Jeanneret, F.; Bonhôte, J. (1863). Biographie Neuchâteloise. Tomo I. Locle. Impr. Courvoisie. Molard, C. P. (1823). Notice sur les diverses inventions de feu Jean-Pierre Droz, graveur-mécanicien : relatives à l'art du monnoyage, ainsi qu'à plusieurs autres branches d'économie industrielle. J. P. Jacob Impr. Versalles. Outros artigos
Historia da medalla francesa Napoleón (moeda) Franco francés Monnaie de Paris Augustin Dupré Ceca de Soho
Ligazóns externas
"Droz, Jean Pierre ". En Répertoire de Sculpture Française.
Categoría:Finados en 1823 Categoría:Nados en 1740 Categoría:Nados no cantón de Neuchâtel Categoría:Personalidades do gravado Categoría:Deseñadores de moeda de Francia Categoría:Inventores de Francia