Francisco Inocêncio de Sousa Coutinho, nado en Vila Viçosa (distrito de Évora, Alentexo) o 28 de decembro de 1726, e finado en Madrid o 6 de febreiro de 1780, foi un militar, diplomático e administrador colonial portugués.
Traxectoria Ocupou varios postos militares no Reino de Portugal, e despois exerceu o cargo de Gobernador e de Capitán Xeneral no Reino de Angola entre 1764 e 1772, sucedendo a António de Vasconcelos e sendo sucedido por António de Lencastre.Rulers.org - Angolaworldstatesmen.org - AngolaJohn Stewart (2006): African States and Rulers 3ª ed. Jefferson, Carolina do Norte, USA. ISBN 978-0-7864-2562-4.
O 7 de xaneiro de 1768, sendo Gobernador de Angola, Sousa Coutinho ordenou a unha brigada de enxeñeiros que elixise o lugar onde se instalaría unha fortaleza-presidio, a que lle deu o nome de Novo Redondo, o que representou a fundación da cidade hoxe coñecida como Sumbe.Sumbe - Imenso potencial turístico . Austral, Revista de Bordo da TAAG/SAP Viajar, 3 de novembro de 2010.
Despois de deixar o Goberno de Angola foi nomeado embaixador en España, falecendo no exercicio das súas funcións.
Vida familiar Era fillo de Rodrigo de Sousa Coutinho, vedor da Casa Real, e de Maria Antónia de São Boaventura e Meneses Paim.
Foi pai de Rodrigo de Sousa Coutinho, primeiro conde de Linhares; de Domingos António de Sousa Coutinho, primeiro conde e marqués do Funchal; de Francisco Maurício de Sousa Coutinho, Gobernador Xeral da Capitanía do Grão-Pará (Reino Unido de Portugal, Brasil e Algarves), e de José António de Meneses e Sousa Coutinho, membro do Consello de Rexencia do Reino.
Notas
Véxase tamén Outros artigos Sumbe
Categoría:Militares de Portugal Categoría:Administradores coloniais Categoría:Nados en 1726 Categoría:Nados no distrito de Évora Categoría:Finados en 1780 Categoría:Historia de Angola Categoría:Personalidades sen imaxes