José Martínez Covelo, nado en Teis (Concello de Lavadores), foi un agrarista e político galego.

Traxectoria

Fillo do agrarista de Teis José Martínez Dávila.El Tea, 3-3-1928, p. 2. Foi elixido secretario da Juventud Socialista de Vigo constituída en 1913.La Voz de Galicia, 2-9-1913, p. 2. Coa folga xeral de 1917 foi detido e xulgado en consello de guerra, pero puxérono en liberdade en decembro ao acollerse á lei de condena condicional.El Noroeste, 21-12-1917, p. 1. Foi vogal da directiva do Sindicato de Agricultores de Teis en 1923.Galicia, 16-1-1923, p. 6. Secretario da Federación Agraria de Lavadores, foi administrador de El Campesino. Foi presidente do coro "Airiños d'o mar" de Teis. Na Segunda República foi concelleiro e tenente de alcalde de Lavadores. Foi elixido presidente de La Alianza Marinera de Teis en 1931,El Pueblo Gallego, 24-5-1931, p. 6. e participou nas negociacións pola folga de mariñeiros de Teis en xullo. Ao ano seguinte participou con Indalecio Tizón Reboreda en mitins agraristas. Ofrecéronlle unha homenaxe pública o 31 de decembro de 1933,El Pueblo Gallego, 3-1-1934, p. 9. e o compositor José Álvarez Olmos dedicoulle o pasodobre "Desagravio" que estreou en abril de 1934.El Pueblo Gallego, 29-4-1934, p. 7. Foi concelleiro e primeiro tenente de alcalde de Teis dende a súa constitución o 7 de xaneiro de 1936, na corporación presidida por Manuel Martínez Ramos.El Pueblo Gallego, 9-1-1936, p. 3.

Co golpe de Estado do 18 de xullo de 1936 exiliouse en Cuba e na Arxentina. En 1941 foi obxecto de expediente por responsabilidades políticas, que foi sobresido por carecer de bens. Visitou Vigo en 1953.El Pueblo Gallego, 15-8-1953, p. 2.

Vida persoal A súa parella Marina Estors Landín finou en 1929 con 30 anos.El Pueblo Gallego, 27-11-1929, p. 7.

Notas

Véxase tamén Bibliografía

Ligazóns externas Expediente número 275/41 de responsabilidades políticas do Xulgado Instrutor Provincial de Pontevedra contra José Magdalena Vidal, Emilio Álvarez Gallego, Manuel Lago Martínez, José Martínez Covelo e Benito Ramallo Gómez

Categoría:Políticos do PSOE Categoría:Personalidades do agrarismo Categoría:Concelleiros de Lavadores Categoría:Concelleiros de Teis Categoría:Concelleiros de Galicia durante a II República

Categoría:Exilio galego Categoría:Galegos de Cuba Categoría:Nados en Vigo Categoría:Nados en ano descoñecido Categoría:Personalidades de Galicia sen imaxes Categoría:Finados en ano descoñecido